Citizenship Amendment Bill hian Bangladesh, Pakistan leh Afghanistan a\anga Muslim tih loh sakhaw dang betu, India rama pemlutte tan khua leh tui nih theihna kawng a hawng dawn a, Bangladesh nena ramri in\awm hmarchhak bial state hrang hrangte chuan he bill hi na takin an dodal a ni.
Assam-a BJP thlawptu Asom Gana Parishad Minister pathumte chuan an banna an thehlut ta a, Citizenship Amendment bill duh lohna lantir hian AGP hian BJP an thlawpna an hnukdawk a ni. Agriculture Minister Atul Bora, Water Resources Minister Keshav Mahanta leh Food and Civil Supplies Minister Phanibhushan Choudhury te hian minister a\anga an banna hi Chief Minister Sarbananda Sonowal hnenah an thehlut a ni.
Member 126 awmna Assam Assembly ah hian AGP hian member 14 a nei a, tuna BJP kaihhruai Assam Sorkarah dinglaiin thlawptu 74 a la neih tho avangin an banna hian sorkar dinhmun erawh a sawi nghing nghal mai dawn lo thung a, BJP hian member 61 neiin , Bodoland Peoples Front MLA 12 ten an thlawp a ni.
