Lok Sabha budget thutkhawm-ah ro la rel thei lo, kar khat chuang khaihlak tawh

Lok Sabha-ah eptu pawlte’n inkhawm an la tihbuai chhunzawm zel avangin inkhawm tihtawp leh a ni a, ni ruk rorel theih a ni tawh lo. Puan tawh angin Congress chuan tunhnaia sawi hlawh tak, Punjab National Bank kaltlanga pawisa dik lo taka peipun thubuai chungchanga an lungawilohna an aupui bakah, Telegu Desam Party chuan special category-a Andhra Pradesh hlankai an phut thu an aupui ve bawk a, AIADMK pawhin Cauvery lui tui chungchang ngaihtuahtu tur, Cauvery Board din an phut thu an aupui ve bawk a ni. Lok Sabha Speaker, Sumitra Mahajan chuan Zawhna Hun hawn a tum laiin, MP hrang hrang-te hian an auhbuai nasa avangin chhun thlengin inkhawm a titawp phawt a, chawhnu lama inkhawm \an leh a nih hnuah pawh inkhawm kaihhruai hleih theih a nih loh avangin, bill \henkhat put luh a nih hnuah, inkhawm hi tihtawp a ni leh ta a ni. Budget \hutkhawm thawh hnihna hi kar hmasa lam khan \an a ni tawh a, chawlhkar khat lai chu rorel theih a ni tawh lo a ni.