He bill hi sorkar chuan damdawi zirna lam kaihhnawiha thuneihna hmansualna tam tak tih bona tur a ni a ti a, he dan thar hnuaiah hian Medical Council of India chu paihin, National Medical Commission din a ni thung dawn a ni. Dan thar hnuaiah hian NEET PG exam a awm tawh dawn lo a, National Exit Test (NEXT) chu MBBS zirlai ten an chhuah dawn kumah an exam nghal ang a, hemi paltlangte chuan Post Graduate an zir chhunzawm nghal thei tawh dawn a ni. NEXT exam hi rampum huapa buatsaih a ni dawn a, zirlaiten MBBS an pass chhuah hnuah chauh post graduat zir tura exam an hmachhawn leh \hin chu ngai tawh lovin, an zir chhuah rualin Post Graduate an zir zawm theih leh theih loh a chiang nghal thei tawh dawn a ni.
National Medical Commission Bill 2019 chungchangah hian ngaihdan a inang lo a, mi \henkhat chuan damdawi lam zirnaa hmasawnna thlentu tur a ni an tih laiin, mi \henkhat chuan zirlaite tana remchang lo leh mirethei te tana harsatna thlentu tur a ni an ti thung.
Lok Sabha in a pass takah hian Rajya Sabhaah ngaihtuah tura chhawp chhuah a ni ang.
