Lok Sabha-ah eptu pawlte au bengchheng leh, sawiho lovin Union Budget pass

Eptu pawlte au bengchheng karah vawiin khan Union Budget April ni 1 a\anga hman \an tur chu sawiho lovin Lok Sabha ah pass a ni. Lok Sabha ah hian ni 8 chhung rorel thei lovin eptuten lungawi lohna an lantir tawh a, Finance Minister Arun Jaitley chuan Finance Bill 2018 hi rorel inkhawmah putlutin hemi rual hian appropriation bill pawh a putlut nghal a, eptu pawlten lungawi lo aurual karah Lok Sabha hian a pass a. BJP kaihhruai rorellai NDA hian Lok Sabha ah hian chiang takin majority a nei a ni. Heti hian Lok Sabha chuan Budget chu a pass fel ta a, Rajya Sabha pawhin ni 14 chhunga a kir let leh a nih loh chuan sum leh pai kaihhnawih bill a nih avangin pawm nghal tur anga ngaih a ni. Parliament in hnih ah hian rorel a kaltluang hlei thei lo a, Bank sum tih chingpen thubuai leh Cauvery lui tui chungchang te leh Andra Pradesh tana a bik taka ruahmanna siam phutna chungchang te chu eptuten au chhuahpuiin rorel inkhawm kalpui hleih theih lovin harsatna an siam a ni. Eptu pawlte chuan sawi hona awm lova Budget pass a ni hi an sawisel a ni. Session hi April ni 6 thleng neih a ni ang.