Lok Sabha-a AIADMK leh TDP party MP 19 chu vawiin khan rorel inkhawm tihbuai vangin Speaker Sumitra Mahajan-in ni li chhung chawl rih turin a ti.

Lok Sabha thlasik \hutkhawm vawiin khan chhunzawm a ni a, Zero Hour \an a nih rualin AIADMK leh TDP MP-te chuan Speaker \hutna pankhawmin Cauvery lui chungchang thuneitu Board din leh special category-a Andhra Pradesh hlankai an phut thu an au pui leh a, rorel inkhawm kalpui hleih theih a nih loh vangin Speaker chuan chawl rih turin a ti ta a ni, nilaini kalta pawh khan Speaker hian AIADMK MP 24 chu inkhawm an tihbuai avangin rorel inkhawm vawi nga \hulh turin a lo ti tawh bawk a ni. Lok Sabha-ah hian AIADMK chuan MP 37 an nei mek a, thlasik \hutkhawm hian kar leh thawlehni thleng a awh dawn a ni.