He thu hi ni 2 chhung awh tur All Mizoram Village Council Conference, 2019 vawiina Pachhunga University College Auditorium-ah neih a hmanpuinaah sawiin, Village Council-te hman tur dan thar siam turin Sorkar chuan hma a la mek a, hei hi MNF Sorkar Flagship Programme SEDP-ah pawh ziahlan a ni a ti. Pu K. Lalrinliana chuan, Village Council-ten hmasawnna hna an thawh nana 14th Finance Commission a\anga Excluded Area Fund an hmuh chu VC-ten an dawn thuai theih nan Sorkar chuan hma a lak thu sawiin tun a\anga kar 2 hnu velah sum hi an dawn theih beisei a ni, a ti a. Chak zawka hmasawn turin tih tak zeta hnathawh a ngai a, VC-te pawhin an enkawl chin an huam chhung \heuha hma an laknaah uluk taka ngaihtuahna an sen a ngai a ni a ti a, hmasawnna hna thawh reng reng sum siam theihna ngaihtuah lova, ram ro tling hmasawnna hna thawh tum turin a chah a ni.
LAD Minister chuan, VC te chu khawtlang inrelbawlna kawng hrang hrang – thubuai rem, ram kang tur ven, ran khuahkhirhn, ram ngaw leh nungcha humhalh leh kawng danga an mawhphurhna lian tak an neihte hre thar tura chahin, dan loa khaw din awm \hin chu ram tan a pawi theih avangin VC te chuan an huam chhung \heuhah mawhphurhna la a, chutiang awmte chu khap \hin tur leh a tilui an awm a nih chuan sorkar thuneitute hnena hriattir \hin turin a chah a ni. Pu K. Lalrinliana chuan, Mizoram Village Level Citizen Registration kalpui tum a nih thu pawh sawiin, VC-te chuan an huam chhungah tute nge cheng tih leh eng nge an mamawh tih an hriat a \ul tih a sawi a. VC te chu an khaw mipuite mamawh hre chiangtu ber an nih avangin sorkar-in mipui ham\hatna tur ruahmmanna a siam dawnah thuneitute tibengvartu ni tur leh rawtnate thlen \hin turin a chah a ni.
He inkhawm hi LAD Director, Pu R.S. Lalzamliana’n a kaihhruai a, All Mizoram Village Council Association President, Pi Lalremsangi pawhin thu a sawi a ni. Chawhnu lamah LAD Joint Director Pu C.Lalthlamuana kaihhruaiin, Poshan Abhyan, Health Care (AB-PMJAY) leh bio-diversity management chungchang an zirho a ni.
