Inkhawm hi NABARD Dy. General Manager VR Nag in a kaihruai a, ACABC scheme chungchang sawifiahtu NABARD manager Pi H Lalhmachhuani chuan ACABC scheme hnuaiah Agriculture leh a kaihhnawiha graduate te tan loan dil theih a ni tih a sawi a, zaa 44 chu NABARD in subsidy a pe dawn a ni a ti.
Mizoram State Agricultural Management & Extension Training Institute ah a thlawnin training tir an ni dawn tih sawiin heta training zo te hian scheme hnuaia loan te chu an dil thei dawn tih Pi H Lalhmachhuani hian a sawi a, loan hi mi pakhatin cheng nuai 20 a dil theih tur thu te, group angin cheng vaibelchhe khat thleng dil theih a nih thu te a sawi.
ACABC scheme hnuaia loan hi trained graduate kum 18 – 60 inkar bik tana ruahman a ni a, schedule tribe leh schedule cast hmeichhia leh hmarchhak state te tan zaa 44 subsidy leh general category tan zaa 36 subsidy pek theih a ni a, an project azirin kum 5-10 thleng a rulh tur a tih theih a ni. Loan dil tur hian training paltlang erawh a ngai a, training-naah hian Agriculture leh a kaihhnawih hnuaiah project siamin an project chu a rintlak a nih chuan ACABC scheme loan hi pek theih a ni dawn a ni. A kalphung zirhonaah hian NABARD hotute, Bank hrang hrang hotute leh sawm bikte an tel a ni.
