Sorkar hmalakna pakhat, Extension Reform Scheme tia sawi chu state hrang hrang palaite hian an thlur bing ber a, lo neih leh a kaih hnawih, agriculture, horticulture, veterinary, fisheries leh sericulture kaltlanga Central sorkar scheme te state hrang hranga kalpui a nih dan thlir hovin hmasawnna tur te an sawi ho a ni.
Regional Workshop hmanpuitu Agriculture Minister Pu C. Lalrinsanga chuan khawvelah Agriculture Science nasa takin a \hang a, sorkar laipui ruahmanna siam te a ram mipuite mil tur leh environment ti chhe lo tur zawnga kalpui a pawimawh tih a sawi a, Mizoram sorkar chuan a tahtawlin organic farming lam uar zel a tum tih a sawi.
Inkhawm hi Agri. Addl. Secretray Pi Lalhrangliani’n a kaihruai a, chawhnu lamah mithiam ten thupui hrang hrang hmangin kalkhawmte an zirtir a ni.
