He live blog hi tihtawp a ni tawh a, April ni 7 live blog en duh tan;
https://www.zonet.in/covid19-liveblog-apr07/
April ni 6, 2020 zan dar 6 thlenga Ministry of Health & Family Welfare chhinchhiah dan chu hetiang hi a ni;
Enkawl lâi – 3851
Enkawl dam tawh/damdawiin chhuahsan tawh – 318
Thi zât – 111
Hmun danga pêm/insawn – 1
12:10 AM
Medical lam mi kut thlak an ni leh zahpah lo tak dawr an ni ṭhin chu thil pawmzam mai mai tur a nih loh thu WHO Executive Director Dr Mike Ryan-a’n a sawi
11:39 IST
Noida-ah ram pawn lama zin tih hriat si, an awmna chin hriat chhuah theih loh mi 167 an awm mek
11:25 IST
PM Modi-an UK PM Boris Johnson dam leh thuai turin a duhsakna a hlan
11:23 IST
Mumbai-ah nitin mamawh lam khawm tuma chhuak Manipur hmeichhe pakhat bike-a chuangin chil a chhak, thubuai ziah luh nghal a ni
11:15 IST
Vawiin khan sorkar laipui hotuten lockdown kalsan dan tur rêlin an ṭhukhawm a, ṭhuang thuma kal a, Coronavirus darh tamna hmun khuahkhirh te leh sumdawnna hmun ṭhenkhat hawn te leh ram puma medical in enkawlna tih changtlun belh dan turte an ngaihtuah a, sumdawnna dang kal chhunzawm dan tur te leh thil dang an la rêl chhunzawm ang
10:58 IST
France-ah mi 833 an thih belh, thi tawh zawng zawng zat chu 8911 a ni
10:27 IST
Mumbai: Covid-19 kai vanga enkawl lai hmeichhe pakhatin nau a hring
10:17 IST
Vawiin lama Italy-a Covid-19 vanga thi zat chu 636 a ni a, nimin kha March ni 19 hnua thi an tlem ber ni a ni a, mi 525 an thi. Italy-ah hian Covid-19 thihpui an tam ber a, mi 16,523 an thi tawh a ni
10:12 IST
Delhi: Doctor 3 leh nurse 12 test-ah an positive, Rajiv Gandhi Hospital-ah dah luh an ni
10:11 PM
Tripura-ah Covid-19 positive case hmasa ber chhinchhiah a ni: State CM Biplap Kumar Deb
9:52 IST
Delhi-ah positive case 525 a awm tawh
9:49 IST
Telangana-ah case 30 a awm belh a, case 364 a awm tawh a, mi 11 an thi tawh a ni
9:46 IST
UK-ah Covid-19 vanga thi zatin 5000 a pel
9:26 PM
Bahrain lal Hamad bin Isa Al Khalifa leh PM Modi-te Covid-19 chungchang sawiin phone-ah an titi
8:54 PM
US sipai zinga Covid-19 kâi zat chu 1132 a tling tawh: Pentagon
8:38 PM
Hmarchhak biala Covid-19 kâi hmasa ber, Manipuri hmeichhia chu vawiin khan enkawl dam a ni tih a enkawltuten an puang. Puan tawh angin kum 23-a upa, Manipur nu hi March ni 23 khan test-ah a lo positive tawh a, Jawaharlal Nehru Institute of Medical Sciences (JNIMS)-ah enkawl a ni.
8:35 PM
Nepal-ah April ni 15 thleng lockdown pawhsei a ni
8:05 PM
Maharashtra Kalyan-ah mi 4 awmna chhungkaw pakhat test-ah an positive, an zingah hian thla ruka upa nausen pawh a tel a, ram pawna la zin ngai lo leh ram pawna zin nena inzawmna nei lo nia hriat an ni
8:03 PM
Delhi Narela vênga quarantine centre pakhat chhungah inthiarna hmun lova e an awm avangin thubuai ziah luh a ni
8:00 PM
Meizûk vangin Covid-19 kâi theihna a ti sâng thei: World Health Organization
7:40 PM
Goa-a quarantine facility-a hnathawk zawng zawng nuai 50 hû Special Insurance pek an ni a, an hlawh (basic salary) aṭangin za zelah 25-in tih pun a ni bawk
7:26 PM
Ireland PM Leo Varadkar chuan Covid-19 do turin vawiin khan a hna hlui a zawm leh, Varadkar hi Indian thlah a ni a, Doctor a ni
7:24 PM
US-ah India khua leh tui mi 4 in Covid-19 an thihpui
6:52 PM
Maharashtra-ah lockdown bawhchhiat vangin BJP MLA pakhat thubuai siam sak a ni
6:10 PM
Home Ministry-in ramchhung khawi hmunah pawh dam lo enkawlna oxygen khaihlak lo turin ruahmanna siam turin state zawng zawng a hriattir a, hei hian a siam, sem leh a khawl te thlengin a huam vek a, hemi kaihhnawih hna thawk reng reng lockdown-in a huam tur a ni lo a ti
6:08 PM
Ram hrang hrang 191-ah Covid-19 case 12,77,580 a awm tawh a, mi sing 7 chuang an thi tawh
Death toll worldwide rises to 70,000, over 1,277,500 declared cases
5:56 PM
Delhi: Ration Card neilo mi pakhat zelah wheat kg 4 leh buhfai kg 1 a thlawnin pek a ni ang: Arvind Kejriwal
5:54 PM
Chidambaram-a’n Mumbai-a Covid-19 enkawlna bik damdawiinah cheng vbc 1 a pe
5:31 PM
Congress-in MP-te hlawh tihhniam a thlawp rualin, MPLAD fund tihtawp erawh ṭha a ti lo: Randeep Surjewala
5:26 PM
Union Cabinet-in MPLAD Fund kum 2 chhung a titawp lailawk a, sum hi Consolidated Fund of India-ah chhunluh a ni ang: Amit Shah
5:24 PM
Ordinance ending MPLADS funds problematic: Shashi Tharoor
5:18 PM
Chhattisgarh-ah Covid-19 kai enkawl mi 10 zinga 9 enkawl dam an ni
5:11 PM
Khawvel pumah Coronavirus vanga thi mi 70,446 an awm tawh
5:00 PM
Tablighi Jamaat chungchang puan a nih vangin Chanchin Thar puangtu ṭhenkhatin vauna an tawng nual tih News Broadcasters Association, NBA-in a sawi
4:54 PM
Maharashtra-ah doctor 42 leh medical staff dang 50 khunghran an ni
4:51 PM
Rajasthan-ah positve case 22 chhinchhiah belh a ni
4:28 PM
Rapid Test Kit nuai 2.5 ni hnih chhungin neih hman beisei a ni: ICMR
4:21 PM
Tablighi Jamaat mi leh sa 25,500 hriatchhuah an ni tawh a, khunghran mek an ni a, Haryana bikah chuan khaw hrang hrang 5 tlawh pawh theih loha khar a ni: Home Ministry
4:18 PM
Health Ministry-in District level-ah Covid-19 Crisis Management din a rawt
4:13 PM
Ramchhunga Covid-19 case za zela 45 chu kum 40 hnuailam an ni a, za zela 19 chu kum 60 chunglam an ni: Health ministry
4:08 PM
Ram pumah darkar 24 chhungin case thar 693 chhinchhiah a ni a, case 4067 a amw tawh a, heng zinga 1445 chu Tablighi Jamaat nen inkaihhnawihna nei a ni: Health ministry
4:01 PM
Spain-ah Covid-19 vanga thi mi 637 an awm belh a, hei hi ni khata thi zatin hniam lam a pan ni 4-na a ni
3:56 PM
Lockdown tâwp hunah kal zel dan tur chungchangah sorkar thuneitute an ṭhukhawm
3:48 PM
Union Cabinet thutluknain President, PM leh larsap-te kum khat hlawh za zela 30-in tih hniam a ni dawn
3:20 PM
Japanese PM Shinzo Abe-a’n naktukah Emergency a puang dawn, tun dinhmunah Japan hian confirmed case 4563 a nei mek a ani
3:00 PM
Rahul Gandhi-a’n Covid-19 chu ram inpumkhatna thlentu ṭha tak a nih theih thu a sawi
2:56 PM
Thor lem changtu Chris Hemsworth-a’n India-a a fans te him taka lo awm turin a duhsakna a hlan
2:32 PM
Uttar Pradesh-ah case thar 16 chhinchhiah belh a ni a, state pumah 294 a awm tawh
2:21 PM
Priyanka Gandhi-in sorkar laipuiah test tam zawk phut turin mipuite a ngen
2:19 PM
Isolation Ward atan rel pindan 2500 siam danglam a ni tawh a, khum 40,000 dah a ni tawh
2:18 PM
Karnataka-ah Coronavirus case thar 12 chhinchhiah a ni
2:16 PM
UK sorkarin an PM Boris Johnson a ngaihtuahawm loh a ti
2:12 PM
Covid-19 dona kawngah India leh Australia-ten thawn dun zel an intiam
1:14 PM
University Grants Commission, UGC-in lockdown laia zirlai zinga rilru harsatna tawkte puihna tur helpline siam turin University leh College-te a hriattir
1:13 PM
Uttar Pradesh: Nizamuddin punkhawm chhimtu Bangladesh mi 7 an positive
1:00 PM
New York-ah sakeiin Covid-19 a kai vangin Kolkata sahuan hrang hrnagin an sakei vulh lai an test dawn
12:56 PM
US Agency for International Development, USAID-in India ṭanpuina tur US Dollar mtd 2.9 a pe dawn tih US Embassy-in thuchhuahah a sawi
12:52 PM
Maharashtra: Aurangabad-a Government Medical College & Hospital (GMCH)-a thawh nurse pakhat test-ah a positive
12:23 PM
Coronavirus beih lêt hi indona rei tak awh tur a nih dawn avangin, chauh leh hah a sawi theih a ni dawn lo: PM Modi
12:22 PM
Sorkar laipui siam Covid-19 darh chin chhui thei mobile application-in hmangtu a ngah sawt hle a, hman theih tura peih a nih aṭanga ni thum chhungin mi vbc 5 velin an hmang tawh a, lo hmang ve duh tan link-ah hian a awm e; https://www.mygov.in/aarogya-setu-app/
11:54 PM
Aizawl Mosque Committee leh Mizoram Muslim Welfare Society-in thu an chhuahah Mizoram aṭanga Tabliq Jamaat chhim an awm loh thu leh a chhimtu zing ami Mizoram lo lut tur an awm loh thu te leh, Tablighi Jamaat hi an thlawp loh hrim hrim thu an tarlang
11:53 PM
Gujarat Vadodara-ah Coronavirus kai enkawl lai mi 1 a thih belh leh a, state pumah mi 12 an thi tawh a ni
11:23 PM
AIIMS Director-in tun dinhmunah chuan India hi State 2 leh Stage 3 inkarah a awm mek tih a sawi a,
11:02 PM
Bhubaneshwar Municipal Corporation-in thlai leh chawhmeh zuar kual turin van 120 a ruai
10:21 PM
Nilaini hian ICMR-in test kit nuai 7 a neih belh dawn
10:05 PM
Bollywood zaithiam Kanika Kapoor chu vvawiin khan damdawiin atanga chhuah a ni ta a, test ṭum hnih a zâwnin a negative tawh a, inah ni 14 la inkhunghrang chhunzawm tura tih a ni
09:58 PM
UK-in an khua leh tui, India-a tangkhang mek 35000 thlawhnain a phur chhuak dawn
09:48 PM
Bhopal-ah Covid-19 vangin mi pakhat a thih belh
09:42 PM
Ram pumah case 4067 a awm tawh a, enkawl lai 3666 an awm mek bawk a ni
09:36 PM
Uttar Pradesh-ah case thar 16 chhinchhiah a ni
09:33 PM
Ram pumah Covid-19 vanga thi mi 109 an awm tawh
09:31 PM
Rajasthan-ah mi 8 an positive belh a, state pumah case 274 a awm tawh a ni
09:16 PM
India-a loneituten an buh thar an thawnchhuah theih loh avangin khawvel hmun hrang hrangah harsatna a thleng ṭan a, Thailand ramte’n an buh thawnchhuah an tihtam a ngaih tak avangin, Africa vela chengte chuan man to zawkin buh an lei a ngaih phah ta a ni
09:12 PM
China-ah case thar 39 a awm leh a, natna langchhuak si lo Covid-19 kai an awm nual a ni
09:11 PM
Australia doctor-te’n tun dinhmunah ei tur aiin hmaituamna an mamawh tawh zawk tih an sawi a, Australia-a doctor leh nurse te hian tunhnaiah lawmthu hrilhna lehkha leh ei tur an dawng nasa hle a, damdawiin ṭhenkhatah chuan hmaituamna hi an nei tawh lo a ni
09:06 PM
Pakistan-in coronavirus case 2899 a nei tahw
09:01 PM
Uttar pradesh-a khunghran lai, Nepali nu pakhatin fa a hring a, a hmingah Covid an sa
08:50 PM
Chawhnu dar 1:00 hian Union Cabinet an ṭhukhawm dawn
08:23 PM
New York khawpui sahuana sakei pakhatin Covid-19 a kai ve a, hei hi sakeiin Covid-19 a kai hriat hmasak ber a ni a, a dam chhuah leh mai beisei a ni
08:20 PM
Uttar Pradesh-ah Nizamuddin punkhawm chhimtu Indonesia khua leh tui pakhat chu test-ah a positive
08:15 PM
Delhi-ah case thar 58 record a ni
08:06 PM
UK Prime Minister, Boris Johnson chu damdawiinah dah luh a ni, puan tawh angin Boris Johnson hi ni 10 kalta khan test-ah a positive a, inkhunghrangin enkawl ni mahse, a natna te a reh hlei thei lo a ni
07:58 PM
Khawvel pumah Covid-19 vanga thi zatin Sing 7 a kai hnai tawh hle a, Italy leh Spain-ah te thi zat tla hniam deuh mahse, US lamah a sang chho ve leh thung a, US-ah hian Covid-19 vanga thi mi 9600 chuang an awm tawh a, France-ah pawh mi 8078 an thi tawh a ni
