He live blog hi tihtâwp a ni tawh e.
11:59 PM
Assam Cachar District-ah positive case pakhat chhinchhiah a ni a, Nizamuddin Markaz nen inzawmna nei a ni, State pumah hian case 26 a awm mek a ni: State Health Minister Himanta Biswa Sarma
11:48 PM
Ministry of Home Affairs hnuaia Senior Security Adviser, K Vijay Kumar chu CRPF positive ta nen an lo inkalpawh tawh avangin khunghran a ni
11:45 PM
Odisha: Natna lang lo (asymptomatic) pakhat test-ah a positive a, Bahrain rama tunhnaia zin a ni
11:31 PM
CRPF officer pakhat Covid-19 test-ah a positive, CRPF Director General nen an lo inkalpawh tawh nia hriat avangin DG pawh hi a inkhunghrang nghal a ni
11:28 PM
Gujarat: Police pahnih (Inspector leh Sub-Inspector) lockdown bawhchhiaa ṭawngṭai tuma mosolman biak ina kal chu an hnaa aṭanga chawlh tir rih an ni: Gujarat SP Shweta Shrimali
11:22 PM
Uttar Pradesh Sahranpur khawpui aṭanga Uttarakhand khawpui, Dehradun luh tum Tablighi Jamaat mi leh sa 7 man an ni a, khunghran nghal an ni
11:18 PM
Goa-ah case 7 a awm mek a, tualchhungah hri a lêng lem loa hriat a ni: CM Pramod Sawant
10:36 PM
Greece-in April ni 27 thleng lockdown a pawtsei
10:18 PM
Maharashtra-ah darkar 24 chhungin case thar 145 chhinchhiah a ni a, Tablighi Jamaat khawmpuia kal mi 1225 zinga 1033 hmuh an ni tawh a, heng zinga 738 chu khunghran mek an ni
10:13 PM
Noida-ah case thar 3 chhinchhiah a ni
10:10 PM
Uttar Pradesh aṭanga Tablighi Jamaat punkhawmnaa tel hriat tawh chin – Meerut aṭangin 307, Varanasi aṭangin 242, Gorakhpur aṭangin 230, Bareilly aṭangin 148,Agra aṭangin 115,Lucknow aṭangin 83, Prayagraj aṭangin 51,Kanpur aṭangin 33,Lucknow Commissionerate aṭangin 23, Gautam Budh Nagar aṭangin 70 – heng zinga mi 1000 chu khunghran an ni tawh a ni a, heng mite bakah hian ram pawn lam mi 306 khawpui hrang hrangah hmuh an ni tawh bawk
9:51 PM
Telangana-ah vawiin khan Covid-19 case thar 43 a awm a, state pumah case 272 a awm tawh a, enkawl lai 228 an awm mek a, thi 11 an awm tawh a ni
9:48 PM
Bihar: Patna-a Mithapur chawhmeh bazar-ah midang nena inhlat (social distancing) an bawhchhe nasa hle, Bihar hian case 30 a nei tawh a ni
9:47 PM
ICMR-in Covid-19 case pun tamna leh khawpui bit zualah RAT (Rapid Antibody Test) hman a rawt
9:36 PM
PM Modi leh Brazil President Jair Bolsonaro-ten Covid-19 chungchang an sawi dûn
9:33 PM
ICMR-in kuhva eina, gutkha eina leh vaihlo ṭhial chi reng reng eina tui/chil chhak lo turin mipuite a ngen
9:22 PM
Indian Air Force hotu pakhat, Nizamuddin punkhawmnaa tel ve pakhat Delhi-ah khung hran mek a ni: Thu lakna hrang hrang
9:13 PM
J&K DIPR-in thu dik lo darh ṭhin venna atan website thar a siam
9:11 PM
Lockdown kaihhnawih thilah Delhi Police-in call 11348 a dawng tawh
8:47 PM
Madhya Pradesh-ah vawiin khan case thar 25 chhinchhiah a ni
8:43 PM
Bhopal-ah health department officer 2 test-ah an positive
8:39 PM
Bihar-ah positive case 1 chhinchhiah belh a ni a, state pumah 32 chhinchhiah a ni tawh
8:36 PM
Himachal Pradesh-ah thla thum chhung ṭhelret hralh khap a ni
Himachal Pradesh govt bans sale of chewing gum to check Covid-19 spread
8:34 PM
Vawiin khan UK-ah Covid-19 vanga thi mi 708 an awm a, hei hi a UK-a thi zat tam ber ṭum a ni a, a zawnin ni 4 lai thi zât tam lam hi a khûm chho char char tawh a ni
8:33 PM
Ram dangte hnena tuialhthei hralh chhuaktu ram insuihkhawm pawl,
Organization of the Petroleum Exporting Countries (OPEC) chuan tun thla ni 6-a ṭhutkhawm an lo tum tawh chu ni 9-ah a sawn
8:28 PM
Jharkhand-ah sample result nghah lai, Covid-19 kai nia rinhlelh mi pakhat a thi
8:24 PM
Darkar 24 chhunga Delhi-in case thar a neih zawng zawng 59 zinga 42 chu Tablighi Jamaat punkhawmna kaihhnawih a ni
8:18 PM
Gujarat-ah Covid-19 positive 3 hmuh belh an ni
8:17 PM
Jharkhand khawpui Ranchi-ah test 691 neih a ni tawh a, pahnih chiah a la positive a, sample result nghah lai 115 a awm a ni
8:11 PM
Trinamool Congress-in kar leh nilaini (April 8)-a PM Modi-a’n party hrang hrang MP-te kawm a tum chu tel ve loh an tum thu an sawi a, Rorelna In, Parliament-ah pawi sawiho tur leh party zawng zawng ṭhutkhawm March thla aṭang khan an lo rawt tawh tih an sawi
8:07 PM
Delhi-in an mamawh ang PPE sorkar laipuiin a pe lo chu politics thil kaihhnawih nia an hriat thu Delhi Deputy CM Manish Sisodia chuan a sawi
8:03 PM
Zirtawpni kaltaa Tablighi Jamaat mi leh sa Lucknow-a hmuhchhuah takte lo mikhualtu mosolman biakin enkawltu leh puithiam lakah Police-ten thubuai an siam
7:52 PM
New Delhi Chawla ITBP Quarantine Centre-ah Italy aṭanga lo haw mi 263-te test mek an ni a, ni hnih vel hnuah result hriat beisei a ni
7:37 PM
Tunhnaia AIIMS-in PPE an ngah tawk lo nia sawi chu thu dik tawk lo a ni tih damdawiin thuneituten an sawi
7:25 PM
Tablighi Jamaat chhimtu ṭhenkhat state ramri kân pui vangin police pakhat a hna aṭangin chawlh lailawk tir a ni
7:18 PM
Trump leh Modi ten Covid-19 chungchang phone-ah an sawi dun
7:15 PM
Jharkhand sorkar-in Covid-19 kaihhnawih thu thar media a pe tawh dawn lo tih hriattirna, circular a chhuah
6:58 PM
10 Tablighi Jamaat attendees quarantined in Ayodhya, samples sent for testing
6:56 PM
Mumbai Dharavi-ah case thar 2 a awm
6:54 PM
Andhra Pradesh-ah Covid-19 case 190 a awm tawh
6:32 PM
Tamil Nadu-ah case thar 74 a awm a, heng zinga 73 chu Tablighi Jamaat punkhawmnaa kal an ni: Health secretary
6:30 PM
Delhi CM-in Tablighi Jamaat Markaz mi leh sa enkawl lai 500 an awm thu leh khunghran mek 1800 an awm thu a sawi a, an vaia la test a nih loh avangin case awm zat a la pung thei tih a sawi bawk
6:03 PM
Delhi-ah Covid-19 vangin mi 6 an thih belh
6:00 PM
Sorkar laipui hnena PPE an dil belh tun thlengin an la hmu lo tih Delhi CM-in a sawi
5:44 PM
April ni 5 zan dar 9:00-a bati emaw, khawnvâr emaw, sihdet tih ên chu khua leh tuite inpumkhatna leh COVID-19 do kawnga inlungrualna lantirna atana tih a nih thu leh science mumal behchhan nei lo thuthang awih mai mai lo turin sorkarin mipuite a chah
5:31 PM
Telangana-a sorkar hnathawk pakhat chu test-ah a positive a, Tablighi Jamaat punkhawm a chhim tih a thup avangin thubuai siam sak a ni
5:25 PM
Karnataka-ah Covid-19 case 144 a awm tawh
5:22 PM
Kashmir-ah positive case thar 14 a awm a, J&K-ah hian case 92 a awm tawh a ni
5:19 PM
April ni 8-ah PM Modi-an party hrang hrang MP-te video conference-in a kawm dawn
5:18 PM
Rajasthan-ah vawiin khan positive case thar 21 a awm
5:10 PM
Uttar Pradesh-ah enkawl lai 231 an awm
5:05 PM
Kumpinu fapa, Prince Charles’ chuan vawiin khan râl aṭangin UK National Health Service-in tlachawpa a sak damdawiin hmasa ber a hawng a, Covid-19 a kai laiin Ayurvedic damdawi leh Homeopathy enkawlna a dawng nia sawi chu thudik a ni lo tih a thupuangtuten an sawi
5:02 PM
Pakistan MP pakhatin Coronavirus mihring siam chawp a nih leh nih loh chhui turin UN a ngen
4:52 PM
Maharashtra-ah mi nuai 9 endik an ni tawh a, state pumah ṭum khata lockdown hlih a ni lo mai thei: State health minister Rajesh Tope
4:13 PM
Tablighi Jamaat kaihhnawih report state 17-ah a awm tawh a, chawhrualin ram puma case awm zawng zawng za zela 30 a ni: Health ministry
4:07 PM
Sunday zan dar 9:00-ah power grid khar lailawk emaw, tihtawp lailawk emaw a ni dawn lo: Power Ministry
4:00 PM
Kutben leh êng chhitin Covid-19 vanga harsatna thleng a titawp lo ang, test tam zawk kan mamawh: Rahul Gandhi
3:00 PM
Delhi AIIMS damdawiinah Covid-19 kai hmeichhe pakhatin nau a hring a, a hriselna a ṭha a, Covid-19 a kai lo
2:40 PM
Mumbai: Dharavi-ah positive case 3-na hmuh a ni
2:30 PM
Covid-19 kai 51 enkawl dam an ni tawh: Maharashtra CM
2:20 PM
Karnataka-ah Covid-19 kai ventilator nena enkawl ngai an la awm lo: CM
2:11 PM
Ghaziabad-ah confirmed case 2 a awm belh
2:30 PM
Covid-19 kai mi 51 enkawl dam an ni tawh: Maharashtra CM
1:55 PM
Tablighi Jamaat Markaz hotu ber, Maulana Saad chuan inlan tura police hriattirna chu lehkhaa chhangin amaha a inkhunghran mek thu a hrilh
1:53 PM
Sorkar laipuiin hnim hlum (anesthesia) khawl 10,000 chu ventilator-a siam danglam a tum mek a, Ventilator chhe tawh 15,000 siam ṭhat leh tumin hma a la mek bawk: India Today
1:48 PM
Tamil Nadu: Coimbatore tân in pakhata mipa 20 leh hmeichhe 5 tâng mek ten nitin hmaituamna 3000 aṭanga 5000 an siam chhuak a, state sorkar-ah pek ṭhin a ni
1:45 PM
Andhra Pradesh: Covid-19 kai enkawl dam a ni
1:43 PM
Chhattisgarh: Kum 16 mi test-ah a positive
1:40 PM
Uttar Pradesh CM-in ‘UP Covid-Care Fund’ a siam
1:15 PM
New York khawpuia ni khata thi an tam ber ṭum chu zirtawpni kha a ni a, mi 562 an thi a ni
1:13 PM
Assam-ah confirmed case 1 hmuh belh a ni a, tun dinhmunah case 25 a awm tawh a ni
1:10 PM
Bangladesh-ah Covid-19 vanga thi 8 an awm tawh
1:05 PM
Nitin mamawh lei tura chhuah pawhin puang eng emaw hmangin hmai tuam tho tur a ni: Sorkar laipui thurawn
1:01 PM
Uttar Pradesh: Shamli bialah Tablighi Jamaat chhimtu, Bangladesh mi 12 thubuai siam sak an ni
12:57 PM
Madhya Pradesh-ah Covid-19 vanga thi 2 an awm belh
12:55 PM
Noida-ah case thar 5 a awm a, Ghaziabad-ah pakhat a awm bawk
12:53 PM
Tamil Nadu-ah mi pakhat a thi a, hei hi state puma Covid-19 thihpui pahnihna a ni
12:45 PM
Maharashtra-ah thla 6-a upa nausenin Covid-19 a kai ve
12:40 PM
Naktuk, Pathianni hian China-ah Air India thlawhna-in Covid-19 test-na chi dang, Antibody Rapid Test (ART) kit nuai 10 a phur dawn
12:35 PM
Delhi: Safdarjung Hospital-a thawkte awmna WhatsApp group hrang hrang neitu/enkawltu (admin) te hming, phone number leh email lak khawm a ni a, hei hi thu dik lo darh venna atana hman a ni ang
12:30 PM
Jammu-ah confirmed case 3 chhinchhiah belh a ni
12:25 PM
East Coast Railway-in an bungraw siam chhuahna hmun hrang hrangah hmaituamna leh sanitizer a siam ṭan
12:20 PM
Maharashtra: Nashik-a cheng TikTok-a pawisa a liak lai video upload-tu, Sayyad Jameel Babu chu police-ten an man
12:18 PM
UP CM-in an state-ah cotton aṭangin phek thuma chhah hmaituamna siam chhuah a ni dawn tih a sawi a, man tlawm taka hralh a nih tur thu leh mi rethei zawkte hnenah chuan a thlawna sem a ni dawn tih a sawi a, a thawh khatna atan hmaituamna hi vbc 66 siam tum a ni
12:10 PM
ONGC-in PM-CARES fund-ah cheng vbc 316 a pe
12:05 PM
Mumbai-ah positive hmuh belh a ni a, state pumah positive case 537 a awm tawh
12:00 PM
France-in Kerala leh Tamil Nadu-a an khua leh tui tangkhang mi 112 chu vawiin khan Air India thlawhnain a phur chhuak
11:58 AM
Punjab: Nizamuddin punkhawm chhimtu mi 125 zinga 73 hmuh an ni tawh
11:55 AM
Ni 2 – 3 daih chauh PPE kan kawl tawh: Delhi Health Minister
11:50 AM
Himachal Pradesh-ah Tablighi Jamaat mi leh sa 3 test-ah an positive
11:37 AM
Mizoram sorkar-in Covid-19 kaihhnawih thu thar thehdarhna atan mobile application “mCovid-19” a tlangzarh
11:30 AM
Andhra Pradesh-ah positve case 16 a awm belh
11:20 AM
Gujarat-ah Confirmed Case thar 10 a awm
11:10 AM
AIIMS staff-te’n an ni khat hlawh tlingkhawm PM-CARES Fund-ah an pe
11:03 AM
Ahmedabad-ah Covid-19 kai pakhat a thi
11:00 AM
Delhi Hospital hrang hrangah medical staff 100 khung hran ngai an awm tawh
10:50 AM
Srinagar: Enkawl lai mi 5 test-ah an negative
10:40 AM
Goa-ah positive pakhat hmuh belh a ni a, UT-ah hian case 7 a awm tawh a ni
10:35 AM
Aprl leh May thlaa UN General Assembly neih tur zawng zawng ṭhulh rih a ni
10:32 AM
Odisha-in an state aṭanga Nizamuddin punkhawm chhimtu zawng zawng nia hriat mi 28 chu a test kim tawh a, 25 an negative a, 3 an positive
10:23 AM
Madhya Pradesh-ah Covid-19 vangin mi pakhat a thih belh
10:20 AM
Ladakh-ah Covid-19 kai mi pahnih an awm belh
10:12 AM
Andhra Pradesh: West Godavari District-ah ṭawngṭai tuma pungkhawm mi 49 man an ni a, an zingah hian pastor pawh a tel a, an vaiin thubuai siam sak an ni
09:50 AM
Bhopal-a Covid-19 kai hmasa ber nia ngaih chu enkawl dam a nih tawh avangin damdawiin a chhuahsan
09:42 AM
Odisha: MBBS zirlai 500 hnenah Coronavirus chungchang training pek an ni
09:35 AM
Agra: Positive case thar 25 chhinchhiah a ni District Magistrate Prabhu N Singh
09:30 AM
Ahmedabad: Isolation Ward atan rel pindan 70 cheibawl mek a ni
09:26 AM
Huawei-in Karnataka CM Relief Fund-ah cheng vbc 1 a pe
09:06 AM
Tunhnai ni 4 chhunga Telangana-a case awm thar zawng zawng za zela 82 chu Tablighi Jamaat punkhawmna aṭanga lo chhuak nia hriat a ni
08:55 AM
Rajasthan-ah case thar 17 chhinchhiah a ni
08:50 AM
Punjab-ah case thar 11 chhinchhiah a ni
08:45 AM
Congress hruaitu Priyanka Gandhi Vadra-in tun dinhmuna pawimawh ber chu medcial staff-te thlâwp a ni a ti
08:43 AM
Rajasthan-ah kum 60 mi hmeichhe pakhat Covid-19 vangin a thi
08:40 AM
Telangana-ah kum 55 mi hmeichhe pakhat Covid-19 vangin a thi
08:35 AM
Under-17 Women’s World Cup November thlaa India-a neih tur chu FIFA-in a ṭhulh lailawk
08:30 AM
China-ah Covid-19 vanga thite sûnna hun hman a ni a, minute thum chhung ngawi rengin an ding a, lirthei che vel pawh an ding vek a ni
08:15 AM
US-ah darkar 24 chhungin mi 1480-in Covid-19 an thihpui, hei hi ram hrang hrang zingah chuan ni khata thi an tam ber ṭum a ni
08:13 AM
Andhra Pradesh-ah confirmed case 164 a awm tawh
08:10 AM
Karnataka-ah Coronavirus thihpui pakhat a awm belh
