He live blog hi tihtawp a ni tawh a, April 22 live blog en duh tan;
https://www.zonet.in/?p=44219
April ni 21, 2020 tlai dar 5:00 thlenga Ministry of Health & Family Welfare-in Covid-19 case a chhinchhiah dan chu hetiang hi a ni;
Enkawl lâi – 15122 (punna – 867)
Enkawl dam tawh – 3259 (punna – 418)
Thi zât – 603 (punna – 44)
Hmun danga pêm/insawn – 1
(punna hi April ni 20 tlai dar 5:00 thlenga chhinchhiah zat nen khaikhin a ni.)
10:29 PM
Rajasthan: Case thar 76 a awm
10:26 PM
Uttar Pradesh: Case thar 153 a awm
10:03 PM
Manipur: Covid-19 kai pahnihna enkawl dam a ni ta
9:19 PM
ICMR-in Covid-19 darh tamna hmun atanga lak chhuah, nu naupai ten natna lan chhuah dan engmah an nei lo a nih pawhin, nau an hrin hma ni 5 talah Covid-19 test tihsak an ni tur a ni a ti
8:36 PM
US, Spain, Denmark leh Australia te’n lockdown an thlahdul tan dawn a, kar leh lam atangin mahni in chhuahsan leh puipunna hmun thenkhat hawn tan a ni ang
8:17 PM
Maharashtra: Darkar 24 chhungin case thar 552 a awm belh
8:11 PM
Iran: Coronavirus vanga thi 88 an awm belh
8:02 PM
Rapid Test Kit a rintlak tawk lo nia sawi chu China-in a pha
7:25 PM
Bhopal: Covid-19 vanga thi pakhat a chhungten a ruang an tuam duh loh avangin Tehsildar-te’n an vuiliam
7:22 PM
UK Prime Minister Boris Johnson-a’n hna a zawm
7:21 PM
Mumbai: Quarantine Centre atana hman thin, Rippon Hotel-ah kangmei a chhuak
7:06 PM
Chennai Police-in mitthi vuiliam tibuai zawnga awm reng reng lakah thubuai siam a ni ang tih a sawi
6:47 PM
Mumbai: CM chennaa duty tura tih police 2 test-ah an positive
6:42 PM
Tamil Nadu: Case thar 76 a awm belh
6:21 PM
Sorkar laipuiin plasma (thisena thil awm chi khat) hmanga Covid-19 kai enkawl Karnataka sorkar a phal sak
6:16 PM
Maharashtra-a chanchinbu sem khap chungchangah Press Council of India-in state sorkar lehkha a thawn hnuah, sorkar thupek siam danglam a ni a, chanchinbu sem phal a ni a, Mumbai khawpui bikah erawh khuahkhirh chhunzawm a la ni
6:01 PM
Bombay High Court-in nipui chawlh a ṭhulh
6:01 PM
Delhi-a Covid-19 vanga thi za zela 83 chu natna benvawn eng emaw nei sa an ni: Arvind
5:47 PM
Italy: Hri a len hnuah, ICU-a enkawl ngai damlo awm zat aiin thawk lama puitu tur khawl a tam tawh zawk
4:26 PM
Myanmar: Covid-19 case 119 a awm tawh a, an zingah hian nurse pathum an tel
4:26 PM
Rampumah Covid-19 enkawl dam mi 3252 an awm tawh: Health ministry
4:22 PM
Health ministry-in ram dinhmun hrang hrang media mite a hrilh – portal pahnih, health lam hnathawkte leh damdawiinte hman tur siam a ni tawh a, NCC cadet leh Ex-Servicemen te pawh an inziak lut ve. ICMR rawtna angin ni hnih chhung chu Rapid Test Kit la hmang rih lo turin state-te hriattir an ni tawh a, mithiamte’n a rintlak dan an la zirchiang mek a ni
4:13 PM
Lucknow: Chanchimbumite tan Covid-19 test buatsaih a ni dawn
4:04 PM
Uttar Pradesh: Positive 1294 a awm tawh
3:57 PM
Sorkar laipuiin Bangalore Institute Of Oncology Specialty-in plasma therapy enchhin a phal sak
3:49 PM
Jaipur-a Coronavirus darh tam chhan chu lockdown palzut leh a kenkawh lam ṭhat tawk loh vang niin Union Minister Arjun Ram Meghwal-a’n a sawi
3:41 PM
Rajasthan: Case thar 31 a awm belh a, a vaiin 1659 a awm tawh
3:38 PM
Malaysia: Case thar 57 a awm belh a, mi 3 an thi
3:05 PM
Singapore: June ni 1 thleng lockdown pawhsei a ni a, khauh lutuk erawh a ni tawh lo ang
2:28 PM
Tamil TV, news channel-a thawk mi 25 test-ah an positive
1:40 PM
Odisha CM-in medical hnathawkte tan insurance atan nuai 50 dah a nih thu leh medical hnathawkte kutthlak reng reng sorkar pawisawiah ngaih an ni ang tih a sawi
1:11 PM
Singpore-ah case thar 1111 a awm belh
12:58 PM
China hmarthlang lamah Coronavirus kai an awm leh ṭan
12:54 PM
Madhya Pradesh: Coronavirus kai police pakhat a thi
12:48 PM
Mumbai-ah chanchinbumi 53 lai test-ah an positive avangin Delhi sorkar pawhin media lama thawkte a test ve dawn
12:48 PM
Lok Sabha Secretariat-a thawk pakhat test-ah a positive
12:23 PM
Rajasthan sorkarin Rapid Test an hmang chhunzawm dawn lo, heng test kit te hi a rintlak lo niin a sawi
11:23 AM
Indian Medical Association-in Doctor leh Nurse leh Health/Medical lam hnathawkte’n kutthlak an tawh ṭhin chungchanga sorkar laka an lungawilohna leh an thawhpuite an thlawpna lantirna atan Aprl ni 22 hian coat var hain bati chhi turin helama hnathawk zawng zawngte a ti a, hemi hnu pawha sorkar laipuiin dan a lek kawh lo a nih chuan April ni 23 hian badge dum bel leh turin a ti bawk
10:46 AM
Delhi: Police 2 test-ah an positive
09:48 AM
Rajasthan: Coronavirus case thar 52 a awm belh
09:34 AM
Coronavirus hri laka invenna, vaccine hmuh chhuah a nih loh chuan nunphung siksawi bak tih theih dang a awm rih lo: WHO
09:26 AM
Coronavirus darh ṭan dan tak hriat a la ni lo a, ramsa aṭanga lo chhuak chu ni ngeia hriat a ni: WHO
09:07 AM
Coronavirus kai enkawl dan chi hrang leh he natna hri zirchianna hrang hrang chi 72 US pumah kalpui mek a ni: Trump
09:00 AM
White House Director of Trade and Manufacturing chuan January leh February thla te khan China-in hmaituamna leh PPE ṭhahnem tak a lei khawm chiam avangin India leh Brazil leh ram dangte’n PPE an indaih lo ta niin a sawi a, China hian a thil lei khawm hi man to zawkin a hralh leh niin a sawi bawk a ni
08:54 AM
Rampumah Covid-19 kai 18061 an awm tawh a, enkawl lai 14,759 an awm mek a, mi 590 an thi tawh a, enkawl dam 3252 an awm tawh: Health Ministry
08:44 AM
Karnataka: Covid-19 kai pakhat a thi
08:33 AM
Turkey: Ningani aṭangin lockdown ni 4 chhung puan a ni
08:17 AM
Coronavirus hrilêng darh zel tur venna atan US-in an rama pem luh a khap lailawk dawn: President Donald Trump
08:07 AM
Rashtrapati Bhavan-a hnathawk pakhat Covid-19 a positive avangin chhungkua 125 vel inkhunghrang tura tih an ni
