Lirtheia fimkhurna hapta Road Safety Week chu vawiin khan Serchhipah pawh hawn a ni. District Bawrhsap, Pi Sangchhin Chinzah chuan he Hapta hi a hawng a, kumtling lova lirthei khalh an awm \hin chu thil pawi tak thlen thei a nih avangin hetiang laka fimhlim turin mi tin a ngen a ni.

Serchhip Police chhinchhiah danin kum 2014 khan Serchhip district chhungah lirtheia chetsualna thubuai 4 a awm a, kum 2015-ah 1, 2016-ah 2, 2017-ah 3 a awm a ni. Nikum 2018 khan thubuai 3 awmin kumin April thla thlen thleng thubuai 2 ziahluh a ni tawh bawk.

He hapta hawnna inkhawmah hian Serchhipa Mizoram Driver’s Union Sub Hqrs member, Taxi & Auto Rickshaw Owners Association hruaitute, sumdawnna leh eizawnna thila lirthei khalhtute an tel a ni.