Fimkhur tawk loh vanga chetsualna tuartute dinhmun chu sawi aia nasain a rapthlak tih sawiin, Pu T.J Lalnuntluanga chuan, rampuma motor chetsualna zaa 70 chu motor khalhtu thiam loh a ni a, Mizoram sorkar pawhin mipuite mamawh hriain, motor khalhtuten nun dan, chetzia leh fimkhur an zirna tur Driving Institution changtlung zawk din turin hma a la mek tih a sawi. Transport Minister chuan, sorkar record-a a landanin kum 2014-ah lirthei chetsualna \um 132 thlengah mi 103 in nunna an chan tih a sawi a. Kum 2018-ah erawh lirthei chetsualna \um 53 thlengin, mi 45 in nunna an chan a, hei hian a \ha lam zawngin hmasawnna a awm tih a tarlang a, lithei chetsualna leh thina a lo tlem zel theih chu mipuiten sorkar hmalakna an \awiawm \hat vang a ni a, hei hi chhunzawm zel tum a pawimawh a ni, a ti.
Road Safety Week hawnna inkhawmah hian Transport Secretary, Pu K.T. Beicho pawhin thu a sawi a, hetah hian kum 2018 chhunga lirthei chetsualna avanga nunna chan mi 53 leh kumin January a\anga March thla chhunga nunna chan mi 14 sun an ni a, lirthei him taka enkawl tura intiamna, Road Safety Pledge mipuiten an cham rual bawk. Kumin Road Safety Week-ah hian thupui atan ‘ Lamliana himna hi nun himna a ni’ tih hman a ni.
