He inremna thuthlung hi German khawpui Berlin-ah ziah a ni a, German Chancellor Angela Merkel leh UN Secretary, General Antonio Guterres te chuan an inremna chu ram inrelbawlnaa kalphung-a buaina leh sipaite inrem lohna tihtawp nana hmanraw \ha tak a nih thu an sawi.
Merkel chuan Libya-a inkahhai neih tum thlawp nan ram hrang hrang hruaituten inremna hmangin thutlukna an siam a ni a ti a, Libya-a remna leh muanna chuan rei tak daih se an duh thu sawiin, ralthuam hmanga sumdawnna khuahkhirhna pawh khauh zawka kenkawh an rel a ni.
He inremna hi Turkey, Russia, Egypt, France, UK, Italy leh US ram ten Berlin-ah an ziak a ni.
UAE, Algeria, China, Republic of Congo, UN, EU leh African Union aiawhte pawh he inremna thuthlung ziahnaah hian an tel bawk.
Libya ah hian klum 2001-a an hruaitu Muammar Gaddafi paihthlak anih hnuah buaina a chhuak nasa hle a, tun dinhmunah UN in a puih GNA leh Haftar-a pawl te chu an inep ber a ni.
