ZPM chuan \halaite tan bana kaih policy hmangin mahnia bul \anna tur nei lote an \ansak dawn a, \halaite mahni ke-a an dinchhuah theih nan skill development te, capacity building programme te, entrepreneurship leh job councelling centre din an ngaipawimawh dawn tih a sawi. Pu Lalduhoma chuan, sem Policy chu ram leh hnam damna a tling lo tih sawiin, NLUP leh SEDP chu ram damna a ni lova, |angrual Pawl thuneihna hnuaiah chuan a thlawna sem lovin mipuiten rim taka an thawhchhuah, an kutkawih a\ang liau liauvin a hlawkna an tel tawh zawk dawn tih a sawi a ni.
Lengteng bial vil tura ZPM-in a ruat Pu H. Ginzalala pawhin an bial hmasawnna turin uluk taka thil awmdan an zir chian tawh thu leh bial mipuite nen inrawn tlanga hmasawnna kalpui an tum thu a sawi bawk. He inkhawm hi Lengteng Constituency North Block ZPM Steering Committee Vice Chairman, Pu V. Zairimawia’n a kaihruai a, Lengteng Constituency chhung khaw hrang hrang a\anga ZPM zawm tharte chu Pu Lalduhoma hian a lawmlut a ni.
