Hmeichhe pakhat, ramdang mi anga thuneituten an thliar pakhatin thubuai a thehluh a remnaah Court hian he thutlukna hi a siam a, hetihlai hian Assam-a National Register of Citizens NRC buaipuitu sorkar mi leh sa te chuan leiman pekna leh bank record te chu an pawm thung a ni.
Nikum August thla-a NRC list tar chhuah a nih hnuah mi nuai 19 vel zetin khua leh tui an ni tih finfiah an hmabak a, heng miten an harsatna an chinfelna tur hian foreigner tribunal 100 tel din a ni a, tribunal in a hnawl tawhte hi court ah khin leh theih a ni a, sorkar chuan hetianga khin let theihna zawng zawng a zawhfel vek hma chuan mi tumah detention centre ah dah a ni dawn lo tih a sawi.
Jabeda begum, Jabeda Khatun tia koh bawk chuan foreigner tribunal-in ramdangmi tia amah a puanna chu high court ah a khinglet a, an chenna khaw hotu in an khaw mi a ni tih tarlan nana hringtupa leh a pasal certificate a siamsak te bakah lehkhapawimawh dang chi 14 a neihte chu khua leh tui a ni tih finfiahna atan a tling zo lo tih Tribunal leh court te hian an sawi a ni.
