Mizoram State Legal Services Authority in vawiin khan Legal Service Camp Chanmari YMA Hall-ah an buatsaih. A hmanpuitu Gauhati High Court Judge, Justice Prasanta Kumar Deka chuan, Legal Service Camp chu khua leh tui ten an dikna chanvo leh sorkar in ham\hatna a duan te, a dawng tur dik tak ten an dawn theihna tura kawng inkawhmuhna hun a nih thu a sawi a. Justice Prasanta Kumar Deka chuan, mahni dikna chanvo chauh hriaa mahni mawhphurhna lam hlamchhiah chu thil dik a ni lo tih sawiin midangte tana hnawksak zawnga mahni dikna leh chanvo hman a rem lo ani a ti. Legal Services Camp hi National Legal Services ruahman anga buatsaih a ni a, hetah hian stall 20 hawn a ni a, mipui ten zawhna chi hrang hrangte an zawt a. Inkhawm hi Mizoram State Legal Services Authority Member Secretary Pu Vanlalenmawia’n a kaihruai a, Aizawl Mayor Pu PC Lalhmingthanga’n thu a sawi bakah Victims of Crime Compensation dawngtu mi 14 hnenah \anpuina tangkafai Rs.38,5,4000 a sem chhuak a ni.
