National Urban Livelihoods Mission hnuaia Lawngtlaia Area Level Federation in Ministry of Housing & Urban Affairs Secretary, Pu Durga Sankar Mishra hnen a\angin vawiin khan Swachhta Excellence Award for Area Level Federation, 2017-2018 chawimawina certificate leh tangkafai an dawng. He chawimawina hi New Delhi-a Pravasi Bharatiya Kendra-ah hlan a ni. He chawimawina dawngtu Area Level Federation hming hi Far\uah tia hriat a ni a, chawimawina hi an pawl President, Pi H. Nupuii leh Secretary, Laltlanmawii ten an dawng a, heng mite hi Lawngtlai District Rural Development Agency Project Director, Pu HVL Zarzoenga’n a hruai a ni. He chawimawina hi ram pum huapa Area Level Federation 1,096 zinga a ti \ha zual thlan chhuah Federation 57 hnenah pek a ni. Far\uah Federation hi he inelnaa tel tura Mizoram sorkarin a thawn Federation 6 zinga ti \ha ber a ni bawk a ni.
