Lok Sabha inthlanpui neih tura Congress leh ZPM-in an thlawp Independent Candidate, Pu Lalnghinglova Hmar tana Lawngtlai khawpui chhunga Street Campaign neihnaah thu sawiin, tun hnaia Chief Minister, Pu Zoramthanga’n Lawngtlai a tlawh \umin Chief Minister a nihna leh Finance changtu a nih angin inthlan zawhah LADC chhui tura hma a lak tur thu a sawi a ni a ti a, Chief Minister a nihna hmachhuana LADC chunga hleilen tumah Chief Minister chu puhin Laifate chu vau vanga zam mai chi an ni lo tih hre tura a duh thu a sawi. Pu C. Ngunlianchunga chuan, MNF sorkar apiangin Laifate chungah hleilenna a thleng \hin nia sawiin, hei hi an tawrh theih tawh bik loh thu a sawi a. Autonomous District Council chu ram danpui hnuaia rorelna hran neia awm an ni a ti a, Pu Zoramthanga chu CM nimahse dan chunga leng a ni bik lo a, a vauna chu an hlau lo tih a sawi.
MNF Party-ah Laifate an tlatlum lo hle nia sawiin, Pu C. Ngunlianchunga chuan, Congress sorkar hnuaiah khan amah chu Minister of State-ah dah a ni a, MNF sorkar hnuaiah erawh Laifa zinga MLA awmchhun chu an ngaihthah a, hming phuahchawp Department pakhat Vice Chairman atan an ruat a ni a ti a, hei hian MNF kaihhruai sorkar-in Laifate a dah hniam zia a tarlang a ni a ti a, MNF sorkar chu LADC sorkar \hiah tuma hmala mekah a puh bawk.
