Vawiin chawhma 10:30 vel khan Lawngtlai Vengpuiah Pu Hrangngama in, Pi K. Laltlanmawii luahlai chu bungraw engmah chuh hman lovin a kangral vek. Mihring thi leh hliam an awm lova, kangmei chhuah lai hian inah tumah an awm lo a ni. Kangmei chhuak hriat a nih veleh mipui pungkhawmin in dang kang kai lovin a \helh thei a, kangmei hi an thuka thing nawi tuah tihmih kim loh a\anga chhuak a nih rin a ni. Vawiin vek khan tlawmngai pawl \henkhatten in kang bang thenfai hna an thawk nghal a, naktukah YLA leh VC ten veng chhungah \anpuina an khawn ang a, in sak \hat hnatlang chu tun thla ni 27 leh ni 28-ah neih a ni ang. Bungraw kangral zat chu cheng nuai 2, sing 5 bawr vel a tling a, Bible erawh chu a kang chhe lo a ni.
