Lawngtlai Pastor Bial Kristian Thalai Pawl chuan an din champha vawi 64-na vawiina lo thlenga Lawngtlai District Hospital-a damlote tanpui nan thisen unit 20 an pe. Thisen petute hi mipa 15 leh hmeichhe 5 an ni a, an thisen hi Blood Bank-a thawkte chuan Lawngtlai Bazar Kohhran Centenary Hall-ah an laksak a ni. Thisen an pek hmaa inkhawmah Bialtu Pastor, R. Lalfakawma chuan damlote tana thisen pek chu an dam chhuah nana thil hlu leh tangkai, ringtute tan chuan pek chhunzawm zel chi niin a sawi a ni.
