Mampui khawtlang hian an ram chhunga Zotheihuan, kum engemawzat an lo humhalh tawh, Mizoram sorkar pawhin ramngaw humhalh \ha bera an lo thlan chhan ram chhungah District Council chuan mi 12 hnenah pass a pe tih tunhnaiah an hrechhuak a, pass an pekte hian ramngaw chu tichhe mekin, thing puitling tawhte an zai \hin tih leh lo atan vah an tum tih an sawi a, Nilaini zan khan Mampui VC leh tlawmgai pawl hrang hrang hruaitute inhmukhawmin, hmalak dan tur an sawi hova, an thuchhuak bawhzuiin tunkar Ningani khan Mampuia VC te leh YLA member mi 100 chuangte chu an ramngaw humhalh chereu mek Zotheihuan chhan turin an thawkchhuak a ni.
Mampui khawtlang aiawh a thawkchhuak ten ngaw an thlen hian, helaia Pass neitu ten an chhawr mi 7 ten Thing an lo zai mek chu hmu in, an buk sak 7 an tih chhiatsak bakah thingzaina khawl 2 leh hmanrua chi hrang hrangte an man sak a ni.
Zotheihuan hi Mampui a\anga Km 10 vela hla a ni a, helaiah hian Puk \ha tak, mihring ruhro te awmna Milupuk tia vuah pawh awm a, he puk hi a chim avangin heng ruhrote hi hmuh tur mumal awm tawh lo mahse, a chhehvel ramngaw leh nungchate hi an humhalh chhunzawm zel a, pass lo neite hi cancell sak an nih theihna turin district council thuneitute an dawr mek a ni.
