Va\huampuiah hian 29 Assam Rifles Commandant kawmin thil awmdan a zawtfiah nghal a, hei bakah hian Va\huampui YMA President, Pu C.Zawlnunmawia leh YMA hruaitu dangte a kawm bawk.
An sawi danin Assam Rifles sipaite hian tun thla ni 11 khan Va\huampui an thleng a, field-ah te inkulhin tun thla ni 19 khan VC, YMA hruaitute leh tlawmngai pawl hruaitute kohkhawmin thil awmdan leh an thil tih dan an hrilhfiah a, civil mite tana harsatna siam tur zawnga awm an ni lo tih sawiin, tun thla ni 20 leh 21 khan mipuite chu ramhnuaia chhuak lo turin thurawn an pe a, ni 20, Nilaini phei kha chuan Va\huampui Field-ah free clinic te neiin damlo an en a, mi tam tak hnenah eitur an pe bawk.
Va\huampui YMA hruaitute chuan tun hnaiah ramri hrul velah Myanmar sipai leh Arakan Army te inkah thawm engmah an hre lo tih an sawi a, ramhnuaia chhuak lo tura mipuite thurawn an pek pawh vawiin a\ang khan sut leh tawhin mipuite chhuah vah an phal leh tawh a ni.
Va\huampui YMA hruaitute chuan an khua leh a chhehvela Assam Rifles sipai awm hnua social media-a thuthehdarh dik lo tak tak awm \hin chu pawi an tih thu an sawi bawk a ni. Zonet Reporter hian naktukah Zochachhuah leh Laitlanga thil awmdan a hmunah an enfiah leh dawn a ni.
