Lawngtlai District lam mi 2 Covid 19 hri kaiten an haw kawnga Thenzawl dawra an chawlh vanga mi 12 swab sample endikte chu tum 2 hri an kai lo tih finfiah a nih hnuah Rapid Anti-Body Test hmanga an dinhmun endik leh a ni a, hlauhthawnawm hmuh a ni lo.

Hri kai 2-in Thenzawl an tlawh avanga Serchhip Bawrhsap-in Thenzawla ni 7 chhung Total Lockdown a puan chu nizan zanlai khan a tawp a, vawiin atangin Thenzawlah mipuiin nunphung pangngai an zawh tan a, dawr leh sorkar pisa zawng zawng hawn a ni a, mipui mamawh lama khawlai chhuak an thahnem hle a, sumdawng lirtheite pawh an tlan leh tan bawk.