Hav. F. Lalthansanga hi Archhuang Post-ah hian zan hnih a duty a, tukin dar 3 vel khan a taksaah harsatna a tawh thut avangin, South Lungpher PHC panpui a ni a, doctor leh thawktu dangten theihtawp chhuah mahse a nunna an chhan thei ta lo a ni. South Lungpher PHC Medical Officer, Dr. Lalchamliana chuan Havilder F. Lalthansanga thihna hi Covid-19 nena inkaihnawih a nih a rin loh thu a sawi a, thluaka thisen zam chat thut, stroke ni bera a lan thu a sawi. Bualpui NG Sub Hqrs. YLA chuan Hav. F. Lalthansanga inpekna leh a duty-naa a nunna a hlan chu a chhuang hle tih thuchhuah siamin an sawi, amah zahna leh chawimawina lantir nan a ruang hi Bualpui NG Bazarah an lo hmuak a ni. Lawngtlai East Bialtu MLA Pu H. Biakzaua’n Lawngtlai thlenga a ruang phurhna tur motor a tumsak a ni.
