Lawngtlai District-a Tuichawng bial chhunga Ajasora Polling Station-a tun thla ni 4-a vote thlak \hat a nih huna thil engkim felfai taka tih a nih theih nan Lawngtlai Bawrhsap, Pu N. Chakhai, District Election Officer ni bawk hovin nimin tlai khan inbuatsaih dan tur chungchang DC Conference Hall-ah sawiho a ni.

He meeting-ah hian Presiding Officer tur leh Polling Officer tur te bakah venhimna hnathawktu tur te leh inthlanna kaihhnawih hna pawimawh thawktu tur te an tel a, vote thlakna khawl a buai thulha harsatna a awm tawh loh nan EVM pahnih dang leh VVPAT pahnih dang ken belh a ni ang a, Master Trainer te pawh kal tir an ni dawn a ni. Ajasora Polling Station-ah hian vote ni mi 1080 an awm a, vote thlak laklawh laiin VVPAT a chhiat avangin thlak a ni a, hemi hnu hian mi 714 ten vote an thlak zawh hnuah khawlin hna a thawh theih tawh loh avang leh vote thlak lo mi \hahnem tak an la awm avangin vote thlak \hat leh a ngai ta a ni.