Rampum huap faina beihpui thlakna Swaach Bharat Mission (Gramin) hi PHE Department-in a kalpui a, Model Village-a thlan, Saizawh East-ah hian vawiin khan faina lama hmalakna tur leh Model Village-a thlan an nih chhan hrilhfiah an ni a, PHE Department Lawngtlai WATSAN Division-a Executive Engineer Pu Laltlanchunga’n faina lama beihpui thlakna chu Lawngtlai District-ah pawh hman mek a ni, a ti a. Khaw dangten an entawn thama hmalakna nasa zawka kalpui turin Saizawh East khua chu thlan a ni tih a sawi.
Saizawh East khua hi In 140 vel awmna niin, khawtlang hruaitute chuan sorkarin faina lama beihpuithlakna kalpui tura an khua an thlang chu lawmawm an tih thu leh theihtawp chhuaha hmalak an inpeih thu PHE hotute hi an hrilh a ni.
