Lawngtlaia Zonet Reporter Lalchharliana sawi danin he thu thang awm vang hian Lawngtlai Bawrhsap chuan Bungtlang South BDO, Pu Daniel Sailo a hmunah a tir a, Pu Daniel Sailo chuan thil awmdan vawiin khan Lawngtlai Bawrhsap hnenah a hriattir tawh a, Assam Rifles Va\huampui field-a inkulhte chuan khawtlang mipui tan a thlawna damlo entirna, free clinic an buatsaih a, hemi bakah hian chaw eitur an buatsaih sak bawk a, curfew puang lovin ramri hrul vel khuaa mipuite chu Myanmar sipai leh Arakan hel pawl inkara inkahna a thlen \hin vangin ram lama chhuak lo turin an ngen zawk a ni. Hetihlai hian Zonet zawhna chhangin Mizoram DGP, Pu Balaji Srivastava chuan Va\huampui bul vela inkahna thleng awm anga thuthang leh mipuite ralkhel thei zawng thil thleng awm anga social media-a thehdarh chu thil dik a ni em tih enfiah turin Lawngtlai SDPO, Pu Robert Beihrosa leh ASI Pu Joshi Zaithanmawia te a hmunah tirh an ni a, an report erawh chu vawiin chawhnu thleng khan a la dawng lo tih a sawi.
Hemi hmalam hian social media-ah Myanmar hel pawl Arakan Army leh Assam Rifles te Va\huampuiah an inkap a, Sipai pahnih an thi nia sawi te, Sipaiin curfew an puang nia sawi te thehdarh a ni a, hengte hi a enfiahtute chuan thudik lo thehdarh niin an sawi a ni. Hemi hmalam hian Mizoram Police hotute chuan Mizoram chhim lamah First Assam Rifles, 10th Assam Rifles leh 46th Assam Rifles Battallion ten a huhovin Sipai nunchan an zir mek a, hemi avang hian tun dinhmunah mipuite tan chi-ai-na tur a awm lo niin an sawi.
