Lawngtlai District-a Myanmar ramri hrula Assam Rifles Battalion thumin sipai nunchan an zir nia sawi leh Sipaiten Civil mite harsatna an siamsak nia sawi chungchang a hmuna kala enfiahtu Zonet Reporter, K. Lalhruaitluanga chuan Assam Rifles ten ramri hrula khaw hrang hranga awmhmun khuara ram venhim hna an thawhnaah hian hleihluaka Sipaite chetna leh Civil mite nekchepna a awm lo niin a sawi.

Zonet Reporter hian nimina Va\huampui a tlawh hnuah vawiin khan Hmawngbuchhuah a tlawh leh a, Zochachhuah leh Laitlang khua te erawh chu Sipai hotuten tlawh lo tura an ngen avangin an tlawh ta lo a ni.

Ramri depa khaw hrang hrangah te hian Sipai an duty vek a, khaw chhuahsan tur leh khuaa lut tur te chuan an photo identity card emaw, aadhaar card emaw sipai duty te an entir a ngaih bakah an thil tih tur an hrilh vek a ngai a ni. Ramri bul vela khaw hrang hrangah te hian kawng peng\huam pawimawh lai leh khaw luh dawnah sipai duty an awm a, chungah te chuan Zonet motor chu lo tidingin a number an la vek a, an thil tih tur te an zawtfiah bawk a ni.

Zonet Palaite hian nimin khan Va\huampui tlawhin YMA President, Pu C. Zawlnunmawia leh YMA hruaitu dangte an kawm a, Assam Rifles te hi tun thla ni 11 a\ang khan an khua leh a chhehvelah an inkulh \an a, amaherawhchu, tun thla ni 20 leh 21-a mipuite ram chhuak lo tura an ngen bak chu harsatna dang an siamsak lo a ni.