Lawngtlai Council Venga Pu Lalzauva in chu tukin dar 7:30 vel khan Ashok Leyland Truck-in a hnawl. Vanneihthlak takin thi an awm lova, motor-in in a hnawl laia a chhunga awm, Pu Lalzauva nupui, Pi Lalnunsangi chu a hliam avangin Lawngtlai District Hospital-ah dahluh a ni a, dam chhuak leh thei tura rin a ni. A fapa B. Laldingngheta erawh chu a hliam lo a ni. He truck hi Vaseikaia awm Pu Roliana ta a ni a, FCI Kudama dah tur buhfai phur atan hman \hin a ni a, tukina a chetsual lai hian engmah a phur lova, motor khalhtu Lalrinpuia’n motor a tihnun hnuah a break a fail avangin a bula Pu Lalzauva in chu a su ta a, in bula scooty lo ding pawh a su tel a, scooty hian truck ke hnung lam lir zel tur a do avangin truck hi a lum thui lova, vawiin vek khan lak chhuah a ni a, vanduaina tawktu Pu Lalzauva in chak leh bungraw darhte chu vawiin khan YLA member ten an senghawi sak a ni.
