He thu hi vawiina Mizoram University UGC-Women’s Studies Centre buatsaih ‘Training of Trainers on Urban Development’ tih a hmanpuinaah a sawi a, khawpui tihmasawn, Urban Development chu thil pawimawh leh buaipui hlawh tak a ni tih sawiin, hei hi khawtlang nun a lo \han zelna atan te, ei leh bara intodelhna atan te, sik leh sa inthlak zel tur vennna a tan thil pawimawh tak a ni tih a sawi. Pu TJ. Lalnuntluanga chuan, khawpui hmasawnna tur ruahmanna hrang hrang vangin sorkar pawhin Urban Area-ah hlawhtlinna tam tak a hmu chho mek tih sawiin, hetih lai hian mipuite pawhin ngaihtuahna dik leh fel an neih a, hmasawnna leh inthlak danglamna chungchangah ngaihtuahna fim tak an neih a \ul a ni, a ti a.
Thing leh mau a lo pun zel theih nan uar zawka inzirtir a \ul tih a sawi. Law Minister chuan, thingtlang a\anga Aizawl khawpuia mipuite an insuan lut ruih ruih \hin chungchangah sorkar chuan ruahmanna fel tak siamin, District leh Sub-Division-ahte hmanraw \ha leh chantlung zawk dah a nih dawn bakah an tan ruahmanna hrang hrang siam a ni dawn niin a sawi a. Eizawnna mumal tak chhawp chhuakin khawpuia pem luh kher ngai lo turin thingtlang khuate buatsaih an tum dawn tih a sawi.
He zir hona Chaltlanga State Guest House Conference Hall-a neih hian tun thlan ni 31 thleng a awh dawn a ni.
