He thu hi a bial chhung khaw hrang hrang a fankualnaah sawiin, Law Minister chuan MLA Inthlan hma a mipuite hnena an intiamna tam zawkte chu tihhlawhtlin a nih tawh thu a sawi a, sorkar hmasa hunlai khan officer leh mithiam rualte hman \angkai a ni ngai lova, Pu Zoramthanga kaihhruai sorkar chuan mithiamte tawnhriat chhawr \angkaiin theihtawp chhuahin ram hmasawnna hna an thawk dawn a ni, a ti. Pu TJ Lalnuntluanga chuan, Mizo \halaite duhthusam ang ngeiin, MP Candidate tur mi tha leh dik, Pathian tih leh sakhaw mi, Pu C. Lalrosanga an chhawpchhuak tih sawiin, Khawvel thilah pawh mi chhuanawm, India sorkar kalphung hria leh Parliament-ah pawh committee hrang hranga member lo ni hial tawh, Pu C. Lalrosanga tana vote hlu tak lo pe theuh turin Mizo mipuite a sawm bawk.
