Minister hi Judge Pu Nelson Sailo, Registrar Pi Helen Dawngliani leh a thawhpui ten an lo dawngsawng a, Chief Justice leh Judge te chenna tur Quarters sak mek te a hmunah kalin a enfiah nghal a ni. Chief Justice Bungalow hi zaa 90 vel zawh a ni tawh a, Judge Bungalow Block II pawh zaa 95 zawh a ni tawh laiin Judge Bungalow Block I erawhchu a ruhrel din chho mek a ni a, heng Bungalow sak zawh nan hian sorkarah sum dil belh mek a nih thu Guwahati High Court hotuten an sawi. Hemi hnu hian Minister hian Guwahati High Court pisa hmun te tlawhkualin thawktute chu kumthar chibai a buk a ni.
Minister chuan, Guwahati High Court chu mipui te nu leh pa leh an lungawilohna thlenna hmun ber a nih avangin tihphuisui a zahawm taka siam chu sorkar in a tum a nih thu a sawi.
Pu TJ Lalnuntluanga chuan, Court Building thar tur hi Khatlaa New Secretariat hmunah sak mek a nih thu sawiin luah theih a peih a nih hunah tuna Court Building hi a tul anga hman dan tur ngaihtuah a nih tur thu a sawi.
Minister hi Law Secretary Pi Marly Vankung, leh mipawimawh dang ten an \awiawm a ni.
