Larsap leh a nupui Pi Reetha Sreedharan te hi Saitual mipuiten lo lawmin an pual hian vantlang inkhawm buatsaih a ni a, Larsap chuan Saitual chu Manipur kalpawhna kawngpuiin a tan tlang district a nih avangin remchanna tam tak, sumdawnna leh thildangah te an nei tih a sawi a, remchanna tam takin a hmuah rualin mipuite chu pawnlam atanga thil thalo chi hrang hrang lut thei lakah fimkhur turin a chah a ni.
Govt. Saitual College zirlaite hmaa thu a sawiah Larsap mahni kutkea dinga eizawnna insiam tum tur leh hmathlir fing tak nei tur te, an hlawhtlinnah te Mizoramin hlawkna tel se ka duh thu te a sawi a. Hlawhtlinna ringawt ngaihtuah a pawimawh ber lova, midangte nen kan inrem em?, vantlang tan ka tangkai em? tih te chu tunlai khawvelin a mamawh a ni a ti
Larsap hian Saituala sorkar hmun pawimawh hrang hrangte a tlawh kual a, a hnena mamawh an lo thlente chu bawhzui a tum thu a hrilh a ni. Larsap hi Saitual District Bawrhsap Pu C.Lalpeksanga’n leh District hotu dangten an lo dawngsawng a ni.
