Amah lawmna inkhawm LADC Complex-a neihah thusawiin Larsap Pu Kummanam Rajasekharan chuan nikum May ni 29 a\anga Mizoram Larsap hna a thawh \an a\angin Mizoram Autonomous District Council pathumte tlawh kim vek a duh thu leh tunah a bul \an nan Lai Autonomous District Council a tlawh tih a sawi a, Lawngtlai District chu hunreilote hnua Kaladan Multi Modal Transit Transport Project kawngpui hman \angkai a nih hunah India, Myanmar leh Bangladesh intlawhpawhna hmun pawimawh tak a ni dawn tih sawiin, mipuite chu inbuatsaih lawk turin a fuih a ni. Larsap chuan Lai hnam te chu hnam ziarang leh thil hlu vawn\hat kawngah an \hangharh \ha hlea a hriat thu te sawiin, hmasawn tura mawhphurhna an neih te hre reng turin a chah bawk a ni.
He inkhawmah hian LADC Chief Executive Member, Pu T. Zakunga chuan Larsap lawmna thu sawiin, Lai hnam thawmhnaw \henkhat a pe a ni. He inkhawmah hian YLA zaipawlin Larsap lawmna hla an sa bawk a ni.
Larsap hian LADC Complex-a Finance and Account Officer Office thar sakna tur lung a phum a, Mizoram state thing Herhse a phun bawk a ni. Hemi hnu hian College Venga LIKBK din damdawi in, Lairam Christian Medical Centre sak mek leh Electric Venga District Hospital te a tlawh leh a ni.
