He Conference hi ICFAI University-a Political Science Department leh Planning & Programme Implementation Department \angkawp buatsaih a ni.
Larsap chuan hmarchhak bial chu India bakah Asia chhima ramte tan hmun pawimawh tak a luah thu sawiin, Asia chhim lam ramte hian ei leh bar lam thar chhuahna, eizawnna hna siam, thilsiamna din chungchangah leh hmasawnna hrim hrimah ramdangte a la phak loh thu a sawi a. Kum 1990-a India economy siam \ha tura hmalaknate chuan heng ramte hi a nghawng phak lo nia sawiin, helai ramte tihmasawn tura ngaihtuahna thar sen a ngai a ni a ti bawk.
Planning Minister, Pu Lalsawta pawhin thusawiin hei hian ram pathumte inkara thawhhona \ha nei thei tura remchanna a siam theih a rin thu a sawi a, ralmuanna boruak \ha a awm chauhin hmasawnna hna a thawh theih thu leh \henawm ramte nena inrem taka khawsak ho a pawimawh thu a sawi bawk.
India Ambassador hlui, Pu Gautam Mukhopadhyaya pawhin hmarchhak biala ram, a bikin Mizoramah zirna in, damlo inenkawlna, Information & Communication Technology tihchangtlung te, cultural exchange buatsaih te, tourism, eitur lam sawngbawlna, food processing, thing leh mau humhalh leh inkawlpawhna siam\hat te chu Mizoram dinchhuahna tur niin a sawi a, Asst. High Commissioner of Bangladesh to India Dr. Shah Mohammad Tanvir Monsur, pawhin inkalpawhna \ha leh zirna in te tihchangtlun a rawt bawk. Conference-ah hian Trade & Investment leh Culture & Politics tih thupui hmangin sawihona neih a ni.
