He thu hi vawiina All India Institute of Medical Sciences leh Indian Society of Clinical Oncology \angkawpin Aijal Club-a Cancer chungchang leh a inven dan zir hona, NEC Pink Chain Campaign an buatsaih a hmanpuinaah a sawi a, Mizoram tan phei chuan state dangte aiin a pawimawh leh zual tih sawiin, Cancer natna nih phung, a lanchhuah dan, inenkawl dan leh he natna laka invendante chu Mizo mipui ten an hriatthiam tura \awngkam tluangtlam zawk hmanga inzirtirna uar a \ul takzet tih a sawi. Larsap chuan, Mizorama Cancer hluar zual – Chawkawng, Chuap, Pumpui, Chhul hmawr leh Hnute Cancer vangin chhungkaw tam tak lungngaiin an rum mek tih sawiin, Cancer chu hmuh chhuah hma a nih chuan tihdam theih a ni tih mipui ten an hriat a; mahni leh mahni Cancer an vei leh vei loh an inhriat dante pawh inzirtir uar sauh sauh a \ul a ni, a ti. Mithiamte sawi danin
Mizorama Cancer veite veichhan langsar zual chu – Sar leh thlai rep eitam vangte, zu leh ruihlo hman nasat te, vaihlo leh a kaihhnawih tih nasat bakah ni tin hun hman dan hrisel lo lutuk a ni tih sawiin, Pu Kummanam Rajasekharan chuan, mi \hahnemngaite hmalakna zara zuk leh hmuam ti \hin an tlem zel tih Global Adult Tobacco Survey (GATS) Report a\anga lo lang chu thil lawmawm tak a ni tih sawii, hei hian \hahnem ngai taka inzirtirna chuan awmzia a nei tih a ti lang chiang hle a; chuvangin cancer thlen thei thil leh a pumpelh dan bakah cancer veite rang zawka hmuhchhuah an nih theih nan mipuite an mahni inhrechiang tura inzirtir tawn reng a pawimawh tih a sawi.
Lok Sabha Member, Pu CL Ruala pawhin kum 2013 a\anga Aizawl Civil Hospital-a National Cancer Registry kalpui a nih a\angin mihring tam lama chhutin Mizoramah State dang aiin cancer vei an tam tih nem ngheh a ni tih a sawi a. Hemi hria hian Sorkar pawhin theih tawp chhuahin State Cancer Institute pawh phuisui zawkin a din tawh tih a sawi a, Inzirtirna leh invenna kawngah erawh nasa zawk tan lak a tul thu leh NEC Pink Chain Campaign kaltlanga inzirtirna chuan nunna tamtak a chhanhim ngei a beisei tih a sawi.
NEC Pink Chain Campaign-ah hian Hmarchhak biala State tinte dimhmun leh cancer hluar zual bik nia ngaihte sawi ho a ni a, Mizoram bikah chuan Pumpui Cancer a hluar bera, khawvel puma Pumpui Cancer tamna Japan nen a inangkhat vel nia ngaih a ni a, hei hi a chhan chu tuibur, sahdah, vaihlo zuk chi, vaihlo hmuam leh \hial chi, kuhva leh thil rep ei nasat vanga ngaih a ni tih tarlan a ni a. Hei bakah hian hnute, chhul hmawr, chuap leh nghawng chin chunglama Cancer lan chhuah dan leh mahnia lo inhmuhchhuah dan mithiamten an sawifiah a ni.
