Mizoram Budget Session \anni, vawiin khan he thu hi House ah a sawi a, Larsap chuan, SEDP hmangin kawng hrang hrangah hmalak thuai a ni dawn a, he Policy hi Mizoram mahni kut kea a din theihna tur te, hmasawnna hnathawh reng reng langtlang leh sorkar \ha din theihna tura hmalakna tur a ni a ti a, he hmalakna hnuaiah hian chak zawka hnathawh a nih theih nan leh an hmalak dan tur duang turin a kaihnawih Department nen \angkawpa hmalatu tur Committee peng hrang hrang 14 din a ni dawn tih a sawi.
Prof. Jagdish Mukhi chuan, a kaihhruai sorkar thil tum ber chu dan leh thupek \ha taka kengkawh a, Mizoram chu State ralmuang ber a nihna chhawm nung zel tura hmalak a ni tih sawiin, hemi atana thil \ul pawimawh hrang hrangte hmaih nei lova bawhzui zel a ni dawn tih a sawi a. Kum kalta 2018 chhunga dan leh thupek bawhchhiatna langsar a thleng lo chu thil lawmawm tak a ni tih sawiin, hei hi Mizoram Police-ten rim taka hna an thawh rah a ni a ti a, Mizoram Police chu chak zawka hnathawk thei turin tunlai hmanraw changkang ber ber hmang \huam \hat zel tum a nih thu a sawi bawk.
Larsap chuan, Mizo mipuiten hun rei tak a\anga an lo nghah tawh Aizawl khawpui chhung a\anga Assam Riffle sawnchhuah chu a taka tihlawhtlin thuai a ni dawn tih sawiin, Union Home Affairs Ministry chuan kumin May ni 31 hmaa insawnchhuak turin Assam Riffle chu a hriattir tawh tih a sawi.
Lo neih leh a kaihhnawih chu Mizoram innghahna pakhat a ni tih Sorkar-in a hriat thu sawiin, Prof. Jagdish Mukhi chuan, Mizaram sum thawh zawng zawng Gross State Domestic Product a\anga zaa 30 chu lo neih leh a kaihhnawih a\anga hmuh a nih avangin hemi lama hmasawnna thlen turin nasa taka \anlak a ni dawn tih a sawi.
Inkalpawhna kawngpui \ha ngaihpawimawh a nih tur thu pawh Larsap chuan sawiin, sorkar kum kal mek 2018-19 chhungin kawngpui kilometre 86 a thui chu Rs. vbch 78 leh nuai 7 senga siam a ni a, Rs. vbch 213 leh nuai 37 hmangin kilometre 139 a thui kawngpui 20 zet Blacktop a ni a, Rs. vbch 36 leh nuai 22 sengin lei 4 siam niin, tunah hian kawngpui 102 laih mek a ni a ti.
House-a Larsap-in thu a sawi zawh hian Aizawl South III bialtu MLA, Prof. F. Lalnunmawia Larsap thusawi chungchanga lawmthu sawina Motion a pulut a. Hemi zawhah Speaker, Pu Lalrinliana Sailo chuan, tun thla ni 4-a Bussiness Advisory Committee \hutkhawm Report chu House-ah pharhin pawm nghal a ni a, hemi hnu hian tun Budget Session neih chhunga Panel of chairman atan Congress member, Pu C. Ngunlianchunga, MNF member, Pu Ramthanmawia leh H. Lalzirliana bakah ZPM member, Pu VL Zaithanzama ruat an ni tih Speaker chuan a puang a. Hemi hnu hian Budget Session chu naktuk chawhma dar 10:30-a chhunzawm leh tura tihtawp zui nghal a ni. Budget Session-ah hian damlohna avanga tel thei lo Dy. Chief Minister, Pu Tawnluia leh Congress member, Pu C. Ngunlianchunga te tih loh member dang chu an tel kim thei a, Session hian tun thla ni 20 thleng a awh dawn a ni.
