Larsap hian Pu Lalbiakthanga Pachuau hi Lawmpuina thuziak leh tangkafai a hlan a, Padmashree Award hi India khua leh tui mi chhuanawm leh hnathawk \ha chungchuangte chawimawina sang a ni a, Bharat Ratna, Padma Vibhushan leh Padma Bhushan tih lohah chuan ngaihhlut ber a ni. Kumin hian Pu Lalbiakthanga Pachuau, Prominent Journalist chuan he chawimawina hi President Ramnath Kovind hnen a\angin a dawng dawn a ni
Larsap chuan India ram mipui vaibelchhe 134 zingah Mizoram mi pahnih India rama chawimawina sang dawng thei, Mizoramin a nei chu ropui a tih thu a sawi a, Pu Lalbiakthanga Pachuau nun a\angin khua leh tui ten entawn tur an nei a ni a ti.
Pu Lalbiakthanga Pachuau hi kum 1927-a piang, kum 93-na hmang mek a ni a, World War II veteran a ni a, pawl hrang hrangah inhmangin, Association for Voluntary Blood Donation, Mizoram-ah president a lo ni tawh a, kum 1980 atanga tun thlengin Journalist hna a la thawk a, Journalism lama a thawh hlawk em avangin kum 2011 April thla khan Mizoram Journalist Association(MJA) chuan chawimawiin “Prominet Journalist” nihna a pe a ni.
