Larsap, Lt. Gen. Nirbhay Sharma-a’n nimin tlai khan Raj Bhavan-ah Central YMA hruaitute kawmin. kum 2018 chhunga ruihhlo laka Mizoram tihfihlim tum turin a ngen. Larsap chuan Central YMA-in ruihhlo do kawnga \an a la chu lawmawm a tih thu sawiin, a hlawhtlin theih nan khawtlang, kohhran leh sorkar pawh an \anrual a ngai niin a sawi a, Mizoramah hian lehkhathiam tam mah se, hnathawk an tlem tih sawiin, \halaite hian thawh hreh nei lova khawvel ramdang el pha tura hna an thawh a \ul niin a sawi bawk. An inkawmnaah hian Central YMA hruaitute chuan ruihhlo do chu thil awlai lo tak a ni tih sawiin, ruihhlo zuartute chu na zawka hrem an nih theih nan sorkar chu dan khauh zawk siam tura an ngen tawh thu, Larsap chu an hrilh a, tun hnaiah Assam sorkarin National Register of Citizens duan lailawk a puanzar tak chu \ha an tih thu sawiin, Mizoramah pawh ram dang mi, pawn lam a\anga lo lut rute chu hetiang bawka dap chhuah \ul an tih thu Larsap chu an hrilh a, Aizawl khawpui chhunga Assam Rifles awmte chu an insawn chhuahna tur, Zokhawsanga an insawn chhuah thuai theih nana \an lakpuiah Larsap chu an sawm bawk a ni.
