Vawiina an party pisa Hnam Run-ah thu sawiin Pu Lalruatkima chuan, Pu Laldenga hunlai a\ang tawhin AR sawnchhuak turin hma an lo la tawh tih a sawi a, hetihlai hian Party pakhat hotupain ‘khawpui laili a\angin sipai sawnchhuak ka hre ngai lo’ a ti tih sawiin, mahse Assam Rifles-te chu sawnchhuah an ni ngei dawn tih a chiang a, kumin February ni 19 khan Office Memorandum siamin Home Ministry in Assam Rifles-te insawnchhuah tur thu hi a tarlang tih a sawi.
Pu Lalruatkima chuan, AR te insawnna turin sorkarin a tih tur ang te a thawk nghal zel tih a sawi a, kawng, tui leh Electric pekte tih fel vek a ni tawh tih sawiin a hmunhma satu Contractor lamin hna an la thawh zawh loh vang chauhin an la insuan lut lo mai niin a sawi. Ramri chungchang sawiin Pu Lalruatkima chuan, tunhmain eng sorkar mahin Mizoram ramri an tihchianna resolution emaw hmuh tur a awm lo niin a sawi a, Pu Zoramthanga kaihhruai sorkarin huaisen takin Bengal Eastern Frontier Regulation (BEFR), 1873 chu ramri atan a pawm a, ramri tichiang ngam sorkar mipuiin an nei chu thil lawmawm tak a nih thu sawiin hetihlai hian ramri chungchang chu fimkhur taka hmalak ngai a nih avangin party mal emaw mimal ang emawa thang\hat lak tumna chi a ni lo a ni a ti.
