Vawiina Mizoram Rubber Planters Association-in General Body Meeting vawi 1-na an neih a hmanpuinaah sawiin, Pu R. Lalzirliana chuan, Mizo mipui tam zawk innghahna chu lo neih a ni a, hei hi leilunga innghat a nih avangin sorkar pawhin a ngai pawimawh hle a ni, a ti a. Sorkar Flagship Programme SEDP hmangin sorkar chuan lo neitute chawikanna tur ruahmanna a siam dawn niin a sawi.
MIRPA General Body meeting hi an pawl President, Pu Vanlawma Chhangte-in a kaihhruai a. General Secretary, Pu Francis Lianmawia report a\anga a lan danin, Mizoram pumah rubber kung nuai sawm chuang phun a ni tawh a. Chhungkaw sangkhat chuangin rubber an ching mek a. Kuminah hian chhungkaw 300 in rubber kung 1,70,000 vel an hnai thei dawn a ni.
