Mizo zinga zaithiam leh hla phuah thiam boral tawh, Lalsangzuali Sailo thawmhnaw leh hmanruate chu Khawbunga Mizo Hlakungpui Mual Robawmah nimin khan dah luh a ni. Lalsangzuali Sailo thawmhnaw leh hmanruate hi hemi hmuna dah luh atan a chhungtem tun hnai khan Khawbung Lal Venga awm, Pi Saithangpuii Sailo kutah an hlan a, hengte hi nimin khan Pi Saithangpuii Sailo chuan Mizo Hlakungpui Mual Committee Chairman, Pu C. Lalluia hnenah a hlan a ni. Pi C. Lalluia chuan Pi Lalsangzuali Sailo thawmhnaw leh hmanrua te chu thil zir mite tan \angkai tur leh zin veivak mite tana en manhla tak a ni dawn niin a sawi a, a chhungten Hlakungpui Mual Robawma dah atana an pe chu lawmawm a tih thu a sawi. Hlakungpui Robawmah hian Mizo zinga hla phuah thiam leh mi hmingthang sulhnu chhuanawm tak tak \hahnem tak seng luh tawh niin a sawi bawk.
