Vawiin kha Lairam Isua Krista Baptist Kohhran Thalai Pawl din champha a ni a, unit hrang hranga Thalai Pawl te chuan anmahni huam chhung theuhah an din champha lo thleng lawm nan khawtlang tana thil tangkai an ti. Unit tam ber chuan faina beihpuithlakin tuallai leh tuihawk luankawr te an thianfai a, Lawngtlai khawpuiah chuan District Hospital-a damlote tana thisen pe an awm bawk a, unit tam takin hnatlangin khawpui chhung tuallai an thianfai a, Electric Veng Unit chuan District Hospital leh a vel hnatlangin an tifai bawk a ni. Moriah Unit chuan Lairam Christian Medical Centre-a damlo leh hnathawkte tan thingpui leh a hmeh an pe a, AOC Unit chuan damdawi ina damlo leh hnathawktute tan zanriah an buatsaih sak bawk.
Tun dinhmunah LIKBK Thalai Pawlah hian unit 92 a awm a, hetah hian member 6,862 an awm a ni.
