Thu ngaihtuah tur chhawp chhuah official agenda 8 leh Pastor bial 8 a\anga thu ngaihtuah tur 12 lut te chu vawiin khan ngaihtuah a ni a, an thutlukna siam tawh zinga langsar zualte chu Manipur Mission Field-a Wangkhem Biak In sak \anpuina sum tuak nan Unit tin vawi khat fehchhuak se tih te, LIKBK Assembly hian hmeichhe Pathian thu zir chhuak te Kohhran dan anga rawngbawl theia siam nan nemngheh, ‘ordain’ dan ngaihtuah rawh se tih te, LIKBK Hmeichhe Pawlin Rescue Centre sak hna Assembly kuta a dah chu chak zawka kalpui a nih theih nan hmalak ni rawh se tih te, Kristian chhungkua leh buhfai\ham Campaign neih rawtna te bakah kum 2019 budget atan cheng nuai sawmthum pakhat leh singhnih pawm a ni.
LIKBK Hmeichhe Pawl Rorel Inkhawm hi LIKBK Chairman Pi V. Lalrinkimi’n a kaihruai a, inkhawmpui thupui atan ‘A chhelai siam\hatu’ tih hman a ni a, he thupui hmang hian zaninah Pathian thuchah ngaihthlak a ni ang a, naktuk, Zirtawpniah HIV/AIDS laka invenna tih Seminar neih a ni ang a, hetah hian MSACS Deputy Director, Pi Lalzuiliani Hrahselin thu a sawi a ni. Hemi bakah hian mihring rubova sumdawnna atana hman \hin laka inven dan chungchang ATI-a Associate Prof. Pi Lalnunmawii Varte-in a sawi dawn bawk a ni.
Lairam Isua Krista Baptist Kohhran Hmeichhe Pawlah hian Unit 106-ah Member 5,076 an awm a ni.
