Lawntlai Chawnhu Field-a Hlukhla Kut hmanna ah hian LADC-a Art and Culture changtu Exe Member Pu L. Lawmkima chu kut dawngtu a ni a, Kut Pa, CEM Pu T. Zakunga chuan Hlukhla Kut chuan Khawvel hmun hrang hranga Lai fate tan inunauna \ha zawk leh inpumkhatna \ha zawk thlen se a duh thu a sawi a, hnam ziarang leh tih phung, culture te chu zahpui lova, khawi hmunah pawh chhawm nun zel a pawimawh a ni a ti.
Hlukhla Kut hi kum 2017 a\ang khan kum tin hman a ni \hin a, kumin hi a vawi 4-na a ni. Kutah hian zaithiam hrang hrangte an zai bakah, hnam lam chi hrang hrang entir a ni a, Lawngtlai District pawn lam atangin MTP Cultural Troupe, Siaha leh Chin State khawpui Hakha atangin Dingdi Band te pawh an tel a, Bru leh Pang Cultural Troupe te pawhin hnam lam an entir a ni.
