Inthlanna chuh tuma hming pek luhte endik hun tur, April ni 25 tih chu Thawhlehni ni 30 ah a sawn hla a, a tuk May ni 1 tlai dar 5 thleng inhnuhdawh theihna hun hawn a ni ang a, May ni 2, Ningani ah candidate te symbol tur tarchhuah a ni ang. Inthlanna-ah hian May ni 8, zing dar 7 leh tlai dar 4 inkarah vote thlak a ni ang a, vote thlakna khawl hmang lovin ballot paper hmanga vote thlak a ni ang a, vote thlak zawhfel rualin vote tla te chhiar nghal a ni ang. VC thlan thar te hi May ni 14 ah chuan executive body insiam fel vek hman tawh tura ruahman a ni a, inthlan kaihhnawiha tih tur \ul zawng zawngte chu May ni 17 ah chuan zawhfel vek tawh tur a ni.
Lai Autonomous District Council huam chhungah hian village council 95 awmin, heng village council-a member tur 469 thlan chhuah an ni dawn a, chungte chu mipa 374 leh hmeichhia 95 an ni ang. Hemi ruala bye election neihna tur CADC huamchhunga VC 6 ah te hian member 12 thlan chhuah an ni dawn bawk.
