Nimina vote thlak zawh a nih hnuah Vote tla te hi Lawngtlaiah chhiar nghal a ni a, Village Council 95 ah inthlanna neih a ni a, khaw paruk tih loh khaw dang zawng result hriat a ni tawh a, result hriat theih chinah hian MNF in khaw 61 ah hnehna changin Indian National Congress in khaw 12 ah hnehna an chang a, chak bik awm lohna khaw 11 awmin, Independent Candidate tlin tam zawkna khaw panga a awm bawk. Result hriat theih chinah hian MNF Party-in seat 279 an la a, Indian National Congress in seat 113 lain, Independent Candidate thlan tlin 42 an awm bawk a ni.
Boruak muanawm tak hnuaiah inthlanna hi neih a ni a, vote thlak zawhfel anih veleh vote tla te hi Sector Officer ten an huamchhung \heuh ami lakhawmin, Lawngtlai DC Office an panpui a, vote hi chhiar nghal a ni.
Khaw thenkhat, inhnehna tlem deuhna hmunah te Inthlan buaipuitute leh Agent te remtihna in chhiar nawn a awm nual a, Village Council inthlanah hian Ballot paper hman a nih vangin, a bikin khawpui chhung leh vote tam deuhnaah te chuan vote chhiar chhung a rei deuh a ni.
Village Council inthlanna a hnehna changtu Party te chuan vawiin lam a\angin Village Council thar din turin ruahmanna an siam chho \an a, chak zawk awm lohna khua ah te pawh Village Council thar din turin Political Party leh Candidate te an indawr chho mek a ni. VC thlan thar te hian tun thla ni 14 ral hmain executive body an din fel ang a, inthlan kaihhnawiha tih tur \ul zawng zawngte chu ni 17 ah chuan zawhfel vek tawh tur a ni.
