Lai Autonomous District Council huam chhunga Ngengpui Sanctuary leh Phawngpui National Park te chu LADC enkawlna hnuaia dah a nih theih nan Environment, Forest & Climate Change Deptt-ah hmalak mek niin LADC Chief Executive Member, Pu T. Zakunga’n a sawi

He thu hi Lai District Congress Committee inkhawm vawiina a hmanpuinaah sawiin Pu T. Zakunga chuan hmalakna tihchak zawkna turin Phawngpui National Park leh Ngenpui Sanctuary te chu Lai Autonomous District Council-in enkawl thei se an duh tih a sawi a ni.
Mizoram sorkar hnuaia Environment, Forest & Climate Change Deptt. leh Lai Autonomous District Council ten Phawngpui National Park leh Ngengpui Wildlife Sanctuary Environment, Forest & Climate Change Deptt-in a enkawlna tura inremna thuthlung an siam hi kumin September ni 30-ah a tawp dawn a, hemi hnulamah hi chuan LADC chuan Phawngpui National Park leh Ngengpui Wildlife Sanctuary te hi enkawl ve a tum dawn a ni.