Session \an a nih veleh Chairman, Pu V. Zirsanga chuan Pu H. Biakzauva chu a zawhna zawt turin a sawm a, hetihlai hian Opposition Leader, Pu F. Rohnuna chu lo ding chhuakin MNF Legislature Party thu angin an Starred Question te an hnuhdawh vek thu a rawn puang a, an lungawilohna chhan sawifiahin kum khat chhungin LADC sorkarin official Bill pakhatmah House-ah a pulut lo chu an ngaihthiam loh vang niin a sawi a, hemi chungchang hi sawifiah turin Chairman chuan CEM Pu T. Zakunga a sawm a, CEM chuan tun hmalam khan Bill chi hrang hrangte session-ah sawihova pass a nih hnuin Mizoram sorkara Law & Judicial Deptt. pawmpui tura thawn a ni a, chumi hnuah Larsapin a pawmpuina a pe \hin a, chumi hnu chuan sorkarin gazette-ah a chhuah \hin a, amaherawhchu, he thiltih dan phung hi kum 2016 a\ang khan sorkarin siam danglamin Bill reng reng House-a putluh a nih hmain Law & Judicial Deptt.-in endikin pawmpui hmase se, chumi hnuah House-ah pass tura pharh chauh ni se tih a ni ta a, chuvangin Bill putluh tur reng reng District Council & Minority Affairs Deptt. kaltlangin Law & Judicial Deptt.-ah thawn a ngai a, hei hian thil a tikhawtlai niin a sawi a, amaherawhchu hei hi thil kalphung tihdanglam a nih hnua thil inthlak a awm lai a nih vang a ni zawk a, hei hi Autonomous District Council te thuneihna nekchepna lam a ni lo niin a sawi a ni. CEM chuan zawhna an hnuhdawh tak te chu a chhanna unstarred question chhannaa pek vek tawh niin a sawi bawk. He session-ah hian Private Member’s Resolution pahnih lut zinga pakhat chu House-a hnawl a nih hnuah a dang pakhat chu hnuhkir a ni bawk. Nimin Session \an ni khan zawhna pali zawha chhan a ni a, MNF Opposition Leader, Pu F. Rohnuna chuan NEDP pawisa cheng nuai 290 LADC a hmuh kha engtia hman nge tih a zawt a, hei hi chhangin CEM Pu T. Zakunga chuan cheng nuai 110 hman tawh a ni a, a bak cheng nuai 180 chu hman lohin a la awm tih House a hrilh a, Chawngte P Bialtu Pu Andrew Laltlanzara chuan kum 2017-2018 atan Revised Estimate engzatnge LADC-in a hmuh tih leh chu sum chu engtia hman nge a ni tih a zawt a, chu chu chhangin CEM chuan kum 2017-2018 atan Revised Estimate cheng nuai 600 hmuh a ni a, heta \ang hian nuai 499 hman tawh niin a sawi a ni. Nimin session-ah opposition member Pu T. Lalengmuana putluh Lawngtlai III-a lei tlakhniamna hmuna lei tla hniam zel tur ven nan cheng nuai 70 dah ni rawh se tih chu sawiho a nih hnuah hnawl a ni.
